దేశంలో పెరిగిన కరోనా మరణాలు!

భారత్‌లో ఒమిక్రాన్‌ మెల్లమెల్లగా పాకుతోంది. నిన్న ఒక్కరోజే రెండు ఒమిక్రాన్‌ కరోనా వేరియంట్ కేసులు బయటపడ్డాయి. గుజరాత్‌ లోని జామ్‌నగర్‌తో పాటు ముంబైలో కూడా కేసులు వెలుగు లోకి వచ్చాయి. జింబాబ్వే నుంచి నుంచి గుజరాత్‌ లోని జామ్‌నగ్‌కు వచ్చిన వ్యక్తికి ఒమిక్రాన్‌ నిర్ధారణ అయ్యింది. పాజిటివ్‌గా తేలిన వ్యక్తిని క్వారంటైన్‌ చేశారు.

ఇక దేశంలో మరోసారి కరోనా వైరస్ కలకలం రేపుతోంది. దేశంలో ఇప్పటికే నెలకొన్న పరిస్థితులు మరింత ఆందోళనకరంగా మారాయి. తాజాగా దేశంలో కొత్తగా 8,895 కరోనా కేసులు నమోదయ్యాయి. గడిచిన 24 గంటల్లో నమోదైన కరోనా మరణాలు మాత్రం కలవరపెడుతున్నాయి. కొత్తగా 2,796 మంది కోవిడ్ కారణంగా మరణించారు. దీంతో మరణాల సంఖ్య పెరిగిందని అధికారులు చెబుతున్నారు. మొత్తం కేసుల సంఖ్య 3,46,33,255కు చేరింది. ఇందులో 3,40,60,774 మంది వైరస్‌ నుంచి కోలుకున్నారు.

దేశవ్యాప్తంగా మొత్తం 1,27,61,83,065 కరోనా వ్యాక్సిన్‌ డోసులను పంపిణీ చేశామని పేర్కొన్నది. ఇప్పటివరకు రాష్ట్రాలు, కేంద్రపాలిత ప్రాంతాలకు 138 కోట్ల డోసులు పంపిణీ చేశామని, ఇంకా 21.13 కోట్లు రాష్ట్రాల వద్ద అందుబాటులో ఉన్నాయని ఆరోగ్యశాఖ తెలిపింది. ఒమిక్రాన్ భయంతో వ్యాక్సిన్ వేసుకునేందుకు జనం ముందుకు వస్తున్నారు. దేశవ్యాప్తంగా నిన్న ఒక్క రోజే కోటి మంది వ్యాక్సిన్ తీసుకున్నారు.

#Unite2FightCorona#LargestVaccineDrive

➡️ India’s Cumulative #COVID19 Vaccination Coverage exceeds 127.61 Cr (1,27,61,83,065).

➡️ More than 1.04 Cr doses administered in last 24 hours.https://t.co/BXtMDIO7oQ pic.twitter.com/J57WwedAiw

— Ministry of Health (@MoHFW_INDIA) December 5, 2021