వెడ్డింగ్ కిట్లలో నూతన జంటలకు ఏకంగా వాటిని పంపిణీ చేశారు!

రాజకీయ నాయకులు వారి ఉనికిని చాటుకోవడానికి, ఎన్నికల్లో మళ్లీ విజయం సాధించడానికి ప్రజలకు పలు రకాల వాగ్థానాలు చేస్తారు. సబ్సిడీ రుణాలనో, ఉచిత కరెంటు అనో, ఫ్రీ గ్యాస్ సిలిండర్లు అని, నిరుద్యోగులకు ఉద్యోగ భృతి అని హామీలిస్తుంటారు. కానీ అక్కడ ఓ రాష్ట్రప్రభుత్వం సామూహికంగా జరిగిన వివాహాల్లో పాల్గొన్న జంటలకు వెడ్డింగ్ కిట్స్ పంపిణీ చేశారు. ఆ కిట్స్ ఓపెన్ చేసి చూడగా అందులో కనిపించిన వస్తువులను చూసి ఆశ్యర్యపోయారు.

మధ్యప్రదేశ్ లో ఆ రాష్ట్రప్రభుత్వం సామూహిక వివాహాల్లో పాల్గొన్న జంటలకు కొత్త వెడ్డింగ్ కిట్లు ఇచ్చే విధంగా ఓ పథకాన్ని రూపొందించారు. ముఖ్యమంత్రి కన్యా వివాహం పథకాన్ని ఏర్పాటు చేశారు. దీనిలో భాగంగా జరిగిన సామూహిక వివాహాలల్లో పాల్గొన్న జంటలకు ఈ కిట్ లను అందజేశారు. అయితే ఆ కిట్లలో గర్భనిరోధక సాధానాలు ఉండడంతో వారు ఆశ్యర్యానికి లోనయ్యారు. మొత్తం 296 జంటలకు పెళ్లిల్లు జరిగాయి. అయితే ఆ కిట్లలో కండోమ్ లు, గర్భనిరోధక టాబ్లెట్స్ ఉండడం ఇది కాస్తా అక్కడ చర్చనీయాంశంగా మారింది. మధ్యప్రదేశ్ లోని జాబువా జిల్లాలో ఈ ఘటన చోటుచేసుకుంది.

దీనిపై పలువురు అధికారులు స్పందిస్తూ ఆరోగ్య శాఖ అధికారులు ఆ కిట్లో గర్బనిరోధక సాధనాలను పెట్టి ఉంటారని తెలిపారు. కుటుంబ నియంత్రణపై అవగాహన కలిగి ఉండేందుకు వాటిని అందించినట్లుగా వెల్లడించారు. ఇటీవల ఇదే స్కీమ్ లో వధువులకు ప్రెగ్నెన్సీ పరీక్షలు నిర్వహించారు. అయితే ఆ పరీక్షల్లో ఓ మహిళకు పాజిటివ్ వచ్చింది. దీనిపై పెద్ద దుమారమే చెలరేగింది. అయితే ఆ వధువు పెళ్లికి ముందే కాబోయే భర్తతో కలిసి జీవిస్తున్నట్లు తెలిపింది. దీనిపై మెడికల్ ఆఫీసర్ స్పందిస్తూ వధువుల సాధారణ వయసు తెలుసుకునేందుకు, వారు ఆరోగ్యవంతులుగా ఉన్నారా లేదా అని తెలుసుకునేందుకు పరీక్షలు చేస్తుంటామని మెడికల్ ఆఫీసర్ తెలిపారు.