ట్రాఫిక్ కానిస్టేబుల్‌ను ఈడ్చుకెళ్లిన కారు.. వీడియో వైరల్!

ఇటీవల దేశ వ్యాప్తంగా రోడ్డు ప్రమాదాలు ఏ రేంజ్ లో జరుగుతున్నాయో ప్రత్యేకంగా చెప్పనక్కరలేదు. ప్రతిరోజు పదుల సంఖ్యల్లో ప్రమాదాలు జరుగుతున్నాయి. డ్రైవర్ల నిర్లక్ష్యం, అతి వేగం ప్రమాదాలకు కారణాలు అవుతున్నాయని అధికారులు అంటున్నారు. రూల్స్ అతిక్రమించి, మద్యం సేవించి వాహనాలు నడిపే వారిపై ట్రాఫిక్ పోలీసులు మోటార్ వాహన చట్ట ప్రకారం గట్టి చర్యలు తీసుకుంటున్నారు. ఎన్ని చర్యలు తీసుకున్నా.. జరిమానాలు విధించినా కొంతమంది వాహనదారులకు మాత్రం బుద్ది రావడం లేదు. మహారాష్ట్రలో ఘోరం చోటు చేసుకుంది.

ఓ ట్రాఫిక్ కానిస్టేబుల్ ని కారు డ్రైవర్ కిలో మీటర్ వరకు ఈడ్చుకు వెళ్లాడు.. ఈ ఘటన పాల్ఘర్ జిల్లాలో చోటు చేసుకుంది. ప్రస్తుతం దీనికి సంబంధించిన వీడియో నెట్టింట తెగ వైరల్ అవుతుంది. వివరాల్లోకి వెళితే..  మహారాష్ట్ర పాల్ఘర్ జిల్లా వాసాయి ప్రాంతంలో సోమనాథ్ చౌదరి అనే ట్రాఫిక్ కానిస్టేబుల్ విధులు నిర్వహిస్తున్నాడు. అదేసమయంలో ఓ కారు సిగ్నల్ జంప్ చేయడంతో సోమనాథ్ ఆ కారుని ఆపాడు. ఎందుకు సిగ్నల్ జంప్ చేశావని డ్రైవర్ ని ప్రశ్నించాడు.. అలాగే వివరాలు అడిగే ప్రయత్నం చేశాడు. కారు డ్రైవర్ ఒక్కసారిగా కానిస్టేబుల్ మీదకు పోనిచ్చాడు.. దీంతో అతను ఎగిరి కారు బానెట్ పై పడ్డాడు.

ట్రాఫిక్ కానిస్టేబుల్ బానెట్ పై ఉన్న విషయం పట్టించుకోకుండా కారు డ్రైవర్ అతన్ని కిలోన్నర మీటర్ వరకు ఊడ్చుకు వెళ్లాడు. అదే సమయంలో విపరీతమైన ట్రాఫిక్ జామ్ కలగడంతో కారు నిలిపివేశాడు. అప్పటికే అతని వెంట పడ్డ పోలీసులు డ్రైవర్ ని అదుపులోకి తీసుకున్నారు. కారు డ్రైవర్ 19 ఏళ్ల యువకుడు అని.. అతనికి డ్రైవింగ్ లైసెన్స్ కూడా లేదని పోలీసులు తెలిపారు. నిర్లక్ష్యంగా కారు డ్రైవ్ చేస్తూ.. డ్యూటీలో ఉన్న ఉద్యోగిపై దాడి చేయడం, హత్య యత్నం లాంటి కేసులు నమోదు చేసినట్లు పోలీసులు తెలిపారు. ఆ కారు ఉత్తర్ ప్రదేశ్ లో రిజిస్ట్రర్ అయిందని తెలిపారు. కాగా, ఈ ఘటనలో తీవ్రంగా గాయపడ్డ పోలీస్ కానిస్టేబుల్ సోమనాథ్ ని ఆసుపత్రికి తరలించి చికిత్స అందిస్తున్నారు. దీనికి సంబంధించిన దృష్యాలు అడ్కడి సీసీ టివి ఫుటేజ్ లో రికార్డు అయ్యాయి.

గతంలో కూడా ఇలాంటి సంఘటనలు ఎన్నో జరిగాయని.. సరైన చర్యలు తీసుకోకపోవడం వల్లనే ఇలాంటి సంఘటనలు పునరావృతం అవుతున్నాయని నెటిజన్లు అంటున్నారు. మద్యం సేవించి వాహనాలు నడిపే వారిని కట్టుదిట్టం చేసేందుకు డ్రంక్ అండ్ డ్రైవ్ నిర్వహిస్తున్నారు. ఈ కేసులో శిక్షపడినవారిని జైలుకు కూడా తరలిస్తున్నారు. కానీ ఎలాంటి మార్పు రావడం లేదని అధికారులు అంటున్నారు.  ప్రస్తుతం ఈ విడియో నెట్టింట వైరల్ గా మారింది.

Maharashtra | Traffic police constable was dragged yesterday for over 1 km on the bonnet of a car when he tried to stop it from crossing a signal in Vasai area of Palghar. The driver was 19 years old & did not have a valid license; driver arrested: Manikpur Police

(CCTV Visuals) pic.twitter.com/faUmxmmK3G

— ANI (@ANI) February 13, 2023