హుజూరాబాద్ లో టీఆర్ఎస్ ఓటమిపై కేటీఆర్ ఏమన్నారంటే

కరీంనగర్- హుజురాబాద్ ఉప ఎన్నికల్లో పార్టీ కోసం పనిచేసిన మంత్రులు, ఎమ్మెల్యేలు, పార్టీ శ్రేణులకు మంత్రి, టీఆర్ ఎస్ వర్కింగ్ ప్రెసిడెంట్ కేటీఆర్ ధన్యవాదాలు తెలిపారు. హుజురాబాద్ ఉప ఎన్నికల్లో పార్టీ కోసం నిరంతరం శ్రమించిన మంత్రులు హరీష్ రావు, కొప్పుల ఈశ్వర్, గంగుల కమలాకర్ మరియు పార్టీ ఎమ్మెల్యేలు, నాయకులు, పార్టీ శ్రేణులకు తారకరామారావు కృతజ్ఞతలు తెలిపారు.

టిఆర్ఎస్ పార్టీ నాయకులు, శ్రేణులు ఎన్నికల్లో నిర్విరామంగా పని చేశారని, పార్టీ కోసం పని చేసిన సోషల్ మీడియా వ్యారియర్లకు సైతం మంత్రి కేటీఆర్ ఈ సందర్భంగా ధన్యవాదాలు తెలిపారు. టిఆర్ఎస్ పార్టీ గత 20 సంవత్సరాలలో అనేక ఎత్తుపల్లాలను చూసిందన్న కేటీఆర్, కేవలం ఈ ఒక్క ఎన్నిక ఫలితం ఎలాంటి ప్రభావాన్ని చూపించే అవకాశం లేదన్నారు. ఈ ఎన్నికల్లో స్ఫూర్తివంతమైన పోటీ ఇచ్చిన పార్టీ అభ్యర్థి గెల్లు శ్రీనివాస్ కు మంత్రి కేటీఆర్ అభినందనలు తెలిపారు.

టిఆర్ఎస్ పార్టీ కార్యకర్తలంతా మరింత నిబద్ధతతో పని చేసేందుకు నిర్ణయం తీసుకొని, భవిష్యత్తులో రాబోయే సవాళ్లను ఎదుర్కొనేందుకు ముందుకు పయనించాలని ఈ సందర్భంగా కేటీఆర్ అన్నారు. పార్టీ శ్రేణులు ఏ మాత్రం నిరాశ చెందవద్దని కేటీఆర్ సూచించారు. మరో వైపు మంత్రి హరీశ్ రావు సైతం హుజూరాబాద్ ఎన్నికలో ఓటమిపై స్పందించారు. ప్ర‌జా తీర్పును శిర‌సావ‌హిస్తామని ఆయన అన్నారు. హుజూరాబాద్ ఉప ఎన్నిక‌ల్లో టీఆర్‌ఎస్ పార్టీకి ఓట్లేసిన ఓట‌ర్లకు, కార్య‌క‌ర్త‌ల‌కు హరీష్ రావు ధన్య‌వాదాలు తెలిపారు.

టీఆర్ఎస్ పార్టీకి ఓట్లేమీ త‌గ్గ‌లేదన్న ఆయన, దేశంలో ఎక్క‌డ‌లేని విధంగా హుజురాబాద్‌లో కాంగ్రెస్‌, బీజేపీ క‌లిసి ప‌ని చేశాయని ఆరోపించారు. ఈ ఒక్క ఎన్నికలో ఓట‌మితో కుంగిపోమని, గెలిచిన‌ నాడు పొంగిపోలేదని, ఓడినా, గెలిచినా టీఆర్‌ఎస్ పార్టీ తెలంగాణ ప్ర‌జ‌ల ప‌క్షాన ఉండి ప‌నిచేస్తుందని హరీశ్ రావు అన్నారు.

Would like to thank & applaud the tireless efforts of @trsharish Garu, @Koppulaeshwar1 Garu @GKamalakarTRS Garu and all the MLAs & TRS party leaders & cadre who have toiled hard in Huzurabad

Also would like to thank the social media warriors who’ve been relentless in campaign

— KTR (@KTRTRS) November 2, 2021

In the last 20 years TRS has seen many highs and lows & this one election result will not be of much significance or consequence

My compliments to @GelluSrinuTRS on a spirited fight 👍

Appeal to all TRS workers to work with increased resolve to forge ahead in future battles

— KTR (@KTRTRS) November 2, 2021