follow us:
క్రికెట్ మ్యాచ్ జరుగుతున్న సమయంలో కొన్ని కొన్ని సార్లు ఫీల్డర్లు మెరుపు వేగంతో క్యాచ్ లు పట్టి అందరినీ ఆశ్చర్యానికి గురిచేస్తూ ఉంటారు. అసాధ్యమైనది అనుకున్న క్యాచ్ లను కూడా ఎంతో అలవోకగా అందుకుంటూ ప్రేక్షకులను ఆకట్టుకుంటారు. తాజాగా బట్లర్ గాల్లోకి ఎగిరి అందుకున్న క్యాచ్ అందరిని ఆశ్చర్యానికి గురిచేసింది. ఇంగ్లండ్, ఇండియా మధ్య జరిగిన రెండో టీ-20లో బట్లర్ ఈ ఫీట్ చేశాడు. దీనికి సంబంధించిన వీడియో కూడా సోషల్ మీడియాలో వైరల్ గా మారిపోయింది.
శనివారం ఎడ్జ్‌బాస్టన్‌ వేదికగా ఇంగ్లండ్‌తో జరిగిన రెండో టీ20లో టీమిండియా ఘన విజయం సాధించింది. దీంతో మూడు మ్యాచ్ ల T-20 సిరీస్ ను మరో మ్యాచ్ మిగిలి ఉండగానే 2-0 తేడాతో భారత్ కైవసం చేసుకుంది. ఇంగ్లండ్ బౌలర్ ధాటికి ఇండియా మొదట బాగా ఇబ్బంది పడిన అనంతరం అదిరిపోయే బ్యాటింగ్ తో ..20 ఓవర్లు 170 పరుగులు సాధించింది. అనంతరం ఛేజింగ్ కు దిగిన ఇంగ్లండ్ 121 పరుగులకే ఆలౌట్ అయింది. అయితే ఈ మ్యాచ్‌లో ఇంగ్లండ్ కెప్టెన్‌ జోస్‌ బట్లర్ అద్భుతమైన క్యాచ్‌తో మెరిశాడు. భారత్ ఇన్నింగ్స్‌ ఐదో ఓవర్‌ వేసిన రిచర్డ్ గ్లీసన్ బౌలింగ్‌లో.. రోహిత్‌ శర్మ పుల్‌ షాట్‌ ఆడటానికి ప్రయత్నించాడు. అయితే బంతి టాప్‌ ఎడ్జ్‌ తీసుకుని గాల్లోకి లేచింది.
ఈ క్రమంలో వికెట్‌ కీపర్‌ బట్లర్ డైవ్‌ చేస్తూ అద్భుతమైన క్యాచ్‌ను అందుకున్నాడు. ఇందుకు సంబంధించిన వీడియో సోషల్ మీడియాలో వైరల్‌గా మారింది. ఇక ఈ మ్యాచ్‌లో రోహిత్‌ 20 బంతుల్లో 31 పరుగులు చేశాడు. మరి.. బట్లర్ అందుకున్న క్యాచ్ పై మీ అభిప్రాయాలను కామెంట్స్ రూపంలో తెలియజేయండి.
What a moment! ❤️
A wicket on debut for @RicGleeson! 🙌
Scorecard/clips: https://t.co/aZbATuE7p7
🏴 #ENGvIND 🇮🇳 pic.twitter.com/LB8vQ70Hpb
— England Cricket (@englandcricket) July 9, 2022
