follow us:
ఈ మద్య పలు చోట్ల విమాన ప్రమాదాలు జరుగుతున్నాయి. టేకాఫ్ అయిన తర్వాత వాతావరణ పరిస్థితులు అనుకూలించక పోవడం, సాంకేతిక లోపాలు తలెత్తడంలో ఇలాంటి ప్రమాదాలు జరుగుతున్నాయని అధికారులు అంటున్నారు. కొలంబియాలో ఘోర ప్రమాదం జరిగింది. 8 మంది ప్రయాణీకులతో వెళ్తున్న ఓ మినీ విమానం ఇండ్ల సముదాయాలపై కుప్పకూలిపోయింది. ఎయిర్ పోర్ట్ నుంచి టేకాఫ్ అయిన కొద్ది సేపటికే ఈ ప్రమాదం జరిగిందని కొలంబియా విమానయాన అధికారులు తెలిపారు.
ఈ ఘటనలో 8 మంది ప్రాణాలు కోల్పోయరని.. అందులో ఇద్దరు సిబ్బంది.. మిగిలిన వారు ప్రయాణీకులు అని అధికారులు వెల్లడించారు. ఈ విమానం ఒలయా హెరార్ ఎయిర్ పోర్ట్ నుంచి బయలు దేరిందని అంతలోనే పెను ప్రమాదం సంబవించిందని అంటున్నారు. అయితే ఇంజన్ వైఫల్యం వల్లనే ఈ ప్రమాదం సంబవించిందని మెడెలీన్ మేయర్ అయిన డేనియల్ క్వింటారో తెలిపారు.
ఈ విమానం నగరంలోని ఇండ్ల సముదాయాలపై పడిపోవడంతో దాదాపు ఏడు ఇళ్ళు పూర్తిగా ధ్వంసం అయ్యాయి. మరికొన్ని పాక్షికంగా దెబ్బతిన్నాయి.. అయితే ఇందులో ఎవరైనా మరణించారా అన్న విషయంపై స్పష్టత రాలేదు. ప్రస్తుతం ఈ ఘటనకు సంబంధించిన వీడియో నెట్టింట వైరల్ అవుతుంది.
Se ha presentado el accidente de una avioneta en el sector de Belen Rosales. Todas las capacidades de la administración se han activado para socorrer a las Victimas. pic.twitter.com/Vj5qaJBc8T
— Daniel Quintero Calle (@QuinteroCalle) November 21, 2022
