follow us:
టాలీవుడ్ ఇండస్ట్రీకి గత రెండేళ్లలోనే చాలామంది నూతన దర్శకులు పరిచయమయ్యారు. డెబ్యూ చేయడమే కాకుండా మంచి హిట్స్ కూడా ఖాతాలో వేసుకున్నారు. అలా ఇండస్ట్రీలోకి రావడంతోనే టాలెంట్ ప్రూవ్ చేసుకొని స్టార్ హీరోలతో సినిమాలు చేసేస్తున్నారు యువదర్శకులు. ఉదాహరణకు రాధేశ్యామ్ ఫేమ్ రాధాకృష్ణకుమార్.. జిల్ అనే ఒకే హిట్ సినిమాతో పరిచయమై సెకండ్ మూవీ ఏకంగా పాన్ ఇండియా స్థాయిలో ప్రభాస్ తో తెరకెక్కించాడు. అదేవిధంగా డైరెక్టర్ సుజిత్ కూడా రన్ రాజా రన్ హిట్ తర్వాత సాహో లాంటి పాన్ ఇండియా మూవీ తెరపైకి తీసుకొచ్చాడు.
అలా యువదర్శకులు ఇండస్ట్రీలో తమ మార్క్ క్రియేట్ చేసుకుంటున్నారు. తాజాగా అదే బాటలో వెళుతున్నాడు యంగ్ డైరెక్టర్ వెంకీ కుడుముల. ఛలో సినిమాతో ఇండస్ట్రీలో దర్శకుడిగా డెబ్యూ చేసిన వెంకీ.. ఫస్ట్ మూవీతోనే సూపర్ హిట్ అందుకున్నాడు. అనంతరం రెండో సినిమాగా నితిన్ తో భీష్మా రూపొందించి మరో హిట్ ఖాతాలో వేసుకున్నాడు. మొత్తానికి తనకంటూ ప్రత్యేక గుర్తింపు తెచ్చుకునే దిశగా సినిమాలు ప్లాన్ చేసుకుంటున్నాడు వెంకీ. అయితే భీష్మా మూవీ వచ్చి ఏడాదిన్నర గడిచినా.. వెంకీ తదుపరి సినిమా ఏంటి? ఎవరితో? అనేది ఇంకా ప్రకటించలేదు.
— DVV Entertainment (@DVVMovies) December 14, 2021
కానీ తాజాగా ఈ ప్రశ్నలకు తెరదించాడు. వెంకీ మూడో చిత్రాన్ని మెగాస్టార్ చిరంజీవితో తెరకెక్కించనున్నాడు. మెగా అభిమానులకు ఇది సర్ప్రైజింగ్ న్యూస్ అనే చెప్పాలి. ఇలా వచ్చి అలా జాక్ పాట్ కొట్టిన దర్శకుల లిస్టులో వెంకీ చేరిపోయాడు. మెగాస్టార్ తో సినిమా తీసేందుకు బడా బడా దర్శకులే క్యూలో ఉంటే.. యంగ్ డైరెక్టర్ వెంకీ ఛాన్స్ కొట్టేయడం అనేది ఖచ్చితంగా విశేషమే. ప్రస్తుతం వరుస సినిమాలతో జోరులో ఉన్నారు మెగాస్టార్. చూడాలి మరి.. చిరు కోసం వెంకీ ఎలాంటి కథను సిద్ధం చేసాడో.. ఈ చిత్రాన్ని డీవీవీ దానయ్య నిర్మించనున్నాడు.
Extremely delighted to announce a film with Megastar @KChiruTweets garu under the direction of Successful Director @VenkyKudumula. It’s a dream come true for us. Co Produced by Dr. Madhavi Raju. Rolling soon… #MegaStarWithMegaFan pic.twitter.com/QyvWAzotss
— DVV Entertainment (@DVVMovies) December 14, 2021
