లిటిల్ హార్ట్స్ సినిమాపై మహేశ్ బాబు రివ్యూ, వైరల్ అవుతున్న ట్వీట్

మొన్న గోపీచంద్, అల్లు అర్జున్..నిన్న విజయ దేవరకొండ తరువాత ఇవాళ సూపర్‌స్టార్ మహేశ్ బాబు కితాబిచ్చేశాడు. అద్భుతం అంటూ రివ్యూ ఇచ్చాడు. ఇటీవల విడుదలై సంచలన విజయం సాధించిన లిటిల్ హార్ట్స్ సినిమాపై మహేశ్ బాబు ప్రశంసలు కురిపించాడు. ఆ వివరాలు మీ కోసం..

సాయి మార్తాండ్ తెరకెక్కించిన లిటిల్ హార్ట్స్ సినిమా ఊహించని విజయం సాధించింది. అతి తక్కువ బడ్జెట్‌తో తెరకెక్కిన ఈ సినిమా ఇప్పటికే 30 కోట్లు వసూలు చేసేసింది. సెప్టెంబర్ 5న విడుదలై సూపర్ హిట్ టాక్ తెచ్చుకుంది. యూట్యూబర్ మౌళి హీరోగా శివానీ నాగారం హీరోయిన్‌గా నటించిన ఈ సినిమాకు సింజిత్ ఎర్రమిల్లి సంగీతం అందించాడు. ఇప్పటికే ఈ సినిమా చాలా బాగుందంటూ అల్లు అర్జున్, విజయ దేవరకొండ, గోపీచంద్ కితాబిచ్చారు. ఈ క్రమంలో ఈ సినిమా మ్యూజిక్ డైరెక్టర్ సింజిత్ చేసిన వ్యాఖ్యలు సంచలనంగా మారాయి. మహేశ్ బాబుకు వీరాభిమాని అయిన ఇతడు ఈ సినిమాపై ఒక్క ట్వీట్ చేస్తే చాలు..ఆనందంతో ఫోన్ స్విచాఫ్ చేసి వారం రోజులు ఎక్కడికైనా వెళ్లిపోతాననన్నాడు. ఇప్పుడు అతని కోరికా ఫలించింది. మహేశ్ బాబు రిక్వెస్ట్ కూడా అందింది. లిటిల్ హార్ట్స్ సినిమాపై మహేశ్ బాబు ఇచ్చిన రివ్యూ ఇలా ఉంది..

#Littlehearts….fun, fresh and big in ❤️❤️❤️the cast is extraordinary…. Especially the young ones.. phew !!! sensatiional acting😍😍😍What a joy ride!!! @SinjithYerramil Nuvvu daya chesi phone aapesi yekkadiki vellodhu brother…. It’s going to be really busy for a…

— Mahesh Babu (@urstrulyMahesh) September 16, 2025

లిటిల్ హార్ట్స్ సినిమా వినోదాత్మకంగా ఉంది. నటీనటులంతా అద్భుతంగా నటించారు. సింజిత్ ..దయచేసి ఫోన్ స్విచ్ ఆఫ్ చేయకు. ఎక్కడికీ వెళ్లొద్దు. త్వరలో నువు బిజీ అయిపోతావు. ఇలాగే అదరగొడుతూ ఉండు..అందరికీ శుభాకాంక్షలంటూ మహేశ్ బాబు ట్వీట్ చేయడంతో సింజిత్ ఆనందానికి హద్దుల్లేవు. వెంటనే రిప్లై ఇచ్చేశాడు. నేను ఎక్కడికీ వెళ్లనన్నా అంటున్నాడు. మహేశ్ బాబు చేసిన ట్వీట్ ఇప్పుడు వైరల్ అవుతోంది.

NENU INKA YEKKADIKI VELLANU ANNA @urstrulyMahesh 😭😭😭😭😭😭❤️❤️❤️💥💥💥💥💥 https://t.co/KcVcyVHwMK pic.twitter.com/eTH3pOQl0d

— SinjithYerramilli (@SinjithYerramil) September 16, 2025