follow us:
1980వ దశకానికి చెందిన ఎన్నో సినిమాల్లో ఆమె కనపడితే చాలు తెలుగు ప్రజలు పూనకం వచ్చినట్టుగా ఉగిపోయేవాళ్లు. అసలు ఆమె పేరు ఎత్తితే చాలు తెలుగు ప్రజలు ముఖంలో ఏదో తెలియని ఆనందం. అగ్రహీరోలు సైతం ఆమె మా సినిమాలో ఉండాలని నిర్మాతలని పట్టుబట్టే వాళ్ళు . అగ్ర హీరోలకి ఎంత క్రేజ్ ఉంటుందో ఆమెకి అంతే క్రేజ్ ఉంది. ఆమె నటించిన సినిమాలు హౌస్ ఫుల్ బోర్డులతో నిండి ఉండేవి. ఇంట్లో ఆడవాళ్లు కూడా తమ మొగుళ్ళని ఆమె నటించిన సినిమాకి వెళ్లవద్దని గొడవపడే వాళ్లంటే.. ఆమె అంటే ఎంత అసూయో అర్థం చేసుకోవచ్చు. కాలగమనంలో సూసైడ్ చేసుకొని చనిపోయిన ఆ నటి గురించి ఇటీవల వచ్చిన ఒక న్యూస్ ఆమె అభిమానులతో పాటు సినీ అభిమానులని షాక్ కి గురి చేసింది.
సిల్క్ స్మిత. ఏ ముహుర్తమున సిల్క్ స్మిత కి సిల్క్ స్మిత అని పేరు పెట్టారో గాని ఒకప్పుడు తెలుగు మట్టి మొత్తం సిల్క్ స్మిత నామధేయంతో మారుమోగిపోయింది. అసలు సిల్క్ స్మిత అనే పేరునే తమ నోటితో పిలిచి మురిసిపోయే సినీ అభిమానులు చాలా మంది ఉన్నారు. సిల్క్ స్మిత మొదట్లో ఒక నటిగానే తెలుగు తెరకు పరిచయమైంది. కానీ విధి మాత్రం తనని సూపర్ డాన్సర్ ని చేసింది. సినిమాల్లోకి రాక ముందు సినిమాల్లో చెయ్యాలనే కోరికతో నేర్చుకున్న డాన్స్ సిల్క్ స్మిత కి ఉపయోగపడింది. అప్పుడు నేర్చుకున్న డాన్స్ తనని సినిమా ఇండస్ట్రీలో తిరుగులేని డాన్సర్ ని చేసింది. ఆ రోజుల్లో సిల్క్ స్మిత తో పాటు డాన్స్ వెయ్యాలంటే హీరోలు తడబడే వాళ్ళు. చిరంజీవి లాంటి గ్రేట్ డాన్సర్ కూడా సిల్క్ స్మిత తో డాన్స్ చేసేటప్పుడు చాలా జాగ్రత్తగా ఉండేవాడంటే సిల్క్ స్మిత డాన్స్ రేంజ్ ఎలాంటిదో అర్థం చేసుకోవచ్చు. తన ప్రతి ఐటెం సాంగ్ సూపర్ డూపర్ హిట్.
ఇంక సిల్క్ స్మిత తెలుగు సినిమాల్లో చేసినన్ని ఐటెం సాంగ్స్ భారతీయ చిత్ర పరిశ్రమలో ఇక ఏ ఐటెం సాంగ్ హీరోయిన్ చేయలేదు. సిల్క్ స్మిత పాట అందుకొని తన కాలు కదిపి ఒక చూపు చూసిందంటే చాలు థియేటర్లో ఒక్క ప్రేక్షకుడు కూడా సీట్లులో కుదురుగా కూర్చొని ఉండేవాడు కాదు. మత్తెక్కించే ఆమె చూపు నుంచి, ఆమె మాట నుంచి తప్పించుకోవడం ఎవరి వల్ల అయ్యేది కాదు. ప్రతి ఒక్కరు ఆమెతో కాలు కదిపి డాన్స్ చేసేవాళ్ళు. సినిమాలో ఉన్నది ఎంత పెద్ద హీరో సినిమా అయినా సరే సిల్క్ స్మితతో మాత్రం ఒక సాంగ్ ఉండేలా ప్లాన్ చెయ్యమని నిర్మాతలకి అప్పటి డిస్ట్రిబ్యూటర్లు చెప్పేవారు. ఆ రోజుల్లో డిస్ట్రిబ్యూటర్లు ఇచ్చిన మేజర్ డబ్బుతోనే ప్రొడ్యూసర్ సినిమా తీసేవాడు. సిల్క్ స్మిత చేసిన ఐటమ్ సాంగ్స్ వల్లే సినిమాలు ఆడిన సందర్భాలు కుడా చాలా ఎక్కువ. సిల్క్ స్మిత ఒక పక్క ఐటమ్ సాంగ్స్ చేస్తూనే ఇంకో పక్క తనలో దాగి ఉన్న నటి గురించి పదిమందికి చెప్పాలని కొన్ని సినిమాల్లో చాలా మంచి పాత్రలు వేసింది. నేటికీ సిల్క్ స్మిత క్రేజ్ చెక్కు చెదరకుండా అలాగే ఉందనడానికి ఉదాహరణ లేటెస్ట్ గా నాని హీరోగా వచ్చిన దసరా మూవీలో కూడా ఒక బార్ కి సిల్క్ బార్ అని పేరు పెట్టి సిల్క్ స్మిత ఫోటోలు కూడా చూపించారంటే సిల్క్ స్మిత రేంజ్ అర్థం చేసుకోవచ్చు
సిల్క్ స్మిత తన వ్యక్తిగత జీవితంలో వచ్చిన సమస్యల వలన ఆత్మహత్య చేసుకొని చనిపోయిన విషయం అందరికీ తెలిసిందే. అలాగే సిల్క్ స్మిత సినిమా ఇండస్ట్రీలోకి రాకముందు ఒక నటి ఇంట్లో పనిమనిషిగా పనిచేసిందని తెలిసి అందరూ షాక్ అయ్యారు. ఇప్పుడు ఈ విషయమే సామాజిక మాధ్యమాల్లో వైరల్ అవుతుంది. సినిమాల మీద ఇంట్రెస్ట్ తో తన పిన్నితో కలిసి చెన్నై వెళ్లిన సిల్క్ స్మిత సినిమాల్లో అవకాశాలు కోసం ప్రయత్నిస్తూనే బతుకు తెరువు కోసం కొంత మంది ఇళ్లల్లో పని మనిషిగా పని చేసింది. అలా అప్పట్లో ఉన్న పూర్ణ అనే ఒక హీరోయిన్ ఇంట్లో కూడా సిల్క్ స్మిత పనిచేసింది. అక్కడే ఒక స్టార్ డైరెక్టర్ సిల్క్ స్మితని చూసి తనకి సినిమాల్లో అవకాశం ఇచ్చాడు. ఆ విధంగా సిల్క్ స్మిత సినీ జీవితం ప్రారంభం అయ్యింది. సిల్క్ స్మిత అసలు పేరు విజయలక్ష్మి. ఆ రోజుల్లో సిల్క్ స్మితకి అభిమాన సంఘాలు కూడా ఎక్కువగా ఉండేవి.
