షారుక్ చేసిన పనికి నెటిజన్స్ ఫైర్.. హీరో అయితే ఎవరికి గొప్ప అంటూ..!

సినీ తారలు అంటే ప్రేక్షకుల్లో ఉండే క్రేజ్, పాపులారిటీ గురించి తెలిసిందే. సిల్వర్ స్క్రీన్ మీద తమ నటనతో అందర్నీ మంత్రముగ్ధుల్ని చేస్తుంటారు యాక్టర్స్. నటన, అందంతో ఫుల్ ఫ్యాన్స్​ను సంపాదించుకుంటారు. అభిమానులు కూడా వాళ్ల ఆరాధ్య నటులను స్క్రీన్ మీద చూసేందుకు తహతహలాడుతుంటారు. వారి చిత్రాలు విడుదలైనప్పుడు థియేటర్లలో తెగ సందడి చేస్తారు. అలాంటిది సెలబ్రిటీలు నేరుగా కనిపించారా.. ఫ్యాన్స్ ఆనందానికి అవధులే ఉండవు. తమ అభిమాన నటులతో ఒక్క ఫొటో దిగాలని, ఆటోగ్రాఫ్ తీసుకోవాలని చాలా మంది కోరుకుంటారు. ఇందులో తప్పు లేదు. అయితే అవతలి స్టార్లు కూడా దీనికి సహకరించాలి. సెలబ్రిటీల్లో చాలా మటుకు హుందాగా ప్రవర్తిస్తారు.

బయట ఎవరైనా అభిమానులు ఫొటో, ఆటోగ్రాఫ్ అడిగినా ఇస్తుంటారు సినీ సెలబ్రిటీలు. కుదరకపోతే సారీ చెప్పి తప్పుకుంటారు. కానీ కొందరు స్టార్లు మాత్రం ఇలాంటి టైమ్​లో అసహనాన్ని ప్రదర్శిస్తుంటారు. తాజాగా బాలీవుడ్ కింగ్ ఖాన్ షారుక్ ఖాన్ కూడా ఇలాంటి ప్రవర్తనతో వార్తల్లోకి ఎక్కారు. ముంబై ఎయిర్​పోర్టులో షారుక్​ను చూడగానే ఫ్యాన్స్ సెల్ఫీల కోసం ఎగబడ్డారు. అయితే సహనం కోల్పోయిన షారుక్.. ఒక అభిమాని చేతిని దూరంగా నెట్టేశారు. షారుక్​కు సంబంధించిన ఈ వీడియో నెట్టింట వైరల్ అవుతోంది. షారుక్​పై సోషల్ మీడియాలో తీవ్ర విమర్శలు వస్తున్నాయి. హీరో అయితే ఎవరికి గొప్ప, ఇదేం ప్రవర్తన అంటూ నెటిజన్స్ ఆయనపై దుమ్మెత్తి పోస్తున్నారు. సెల్ఫీ ఇవ్వడం ఇష్టం లేకపోతే సున్నితంగా వద్దని చెప్పకుండా, ఇలా నెట్టేయడం ఏంటని కామెంట్ చేస్తున్నారు.

After trying to take a selfie with him, actor Shah Rukh Khan throws his fan’s phone by pushing him!

Arrogance Level At Peak!
You make him a king – You make him a hero – You watch his films and what are the results? pic.twitter.com/3K4xeVo9Qf

— ADV. ASHUTOSH J. DUBEY 🇮🇳 (@AdvAshutoshBJP) May 3, 2023