follow us:
రామ్ గోపాల్ వర్మ.. ది గ్రేట్‌ డైరెక్టర్‌ నుంచి వివాదాస్పద డైరెక్టర్‌ పేరు గాంచాడు. సమాజంలో జరిగే ఎన్నో విషయాలపై ఆర్జీవీ తనదైనశైలిలో స్పందిస్తుంటాడు. తన మనసులో ఉన్నది ఉన్నట్లు ట్విట్టర్లో కక్కేస్తుంటాడు. ఎవరి మీదైనా, ఏ విషయం మీదైనా స్పందిస్తూ ఉంటాడు. కొన్నిసార్లు భలే చెప్పాడే అనుకునేలోపే మరికొన్నిసార్లు ఏంటి ఈ మనిషి? అని బుర్రగోక్కునేలా చేస్తాడు. ఏది చేసినా ఆర్జీవీ మాత్రం వార్తల్లోనిలుస్తూ ఉంటాడు.
మనకు స్వాతంత్రం లభించి 75 వసంతాలు పూర్తి చేసుకున్న సందర్భంగా దేశం మొత్తం ‘ఆజాదీ కా అమృత్‌ మహోత్సవ్‌’ అని ఘనంగా వేడుకలు జరుపుకుంటున్న విషయం తెలిసిందే. ఈ స్వతంత్ర దినోత్సవం రోజు కూడా రామ్ గోపాల్ వర్మ తన పైత్యాన్ని ట్విట్టర్‌ వేదికగా బయటపెట్టాడు. అసలు స్వాతంత్రం అంటే ఇది అంటూ ట్వీట్‌ చేశాడు.
“ ఒక భర్తకు నిజమైన స్వాతంత్రం అంటే తన భార్య పోరు నుంచి తప్పించుకోవడం.. ఒక భార్యకు నిజమైన స్వాతంత్రం అంటే తన బోరింగ్‌ భర్త నుంచి స్వేచ్ఛను పొందడం.. పిల్లలకు నిజమైన స్వాతంత్రం అంటే తమ ఇరిటేటింగ్‌ తల్లిదండ్రుల నుంచి స్వాతంత్రం పొదండం.. అందరికీ స్వాతంత్ర దినోత్సవం శుభాకాంక్షలు” అంటూ ఆర్జీవీ ట్వీట్‌ చేశాడు.
రామ్ గోపాల్ వర్మ ట్వీట్‌ పై భిన్నాభిప్రాయాలు వినిపిస్తున్నాయి. కొందరు రామ్ గోపాల్ వర్మ వ్యాఖ్యలను ఖండిస్తున్నారు. నీ నుంచి ట్విట్టర్‌ కు విముక్థి ఎప్పుడు అంటూ ఘాటుగానే స్పందిస్తున్నారు. మరికొందరు మాత్రం మీ ట్వీట్‌ ను అర్థం చేసుకోవాలంటే చాలా సమయం పడుతుంది. ఒక విషయాన్ని మీ స్టైల్‌ లో చెప్పడం ఎవరికీ సాధ్యం కాదంటూ కితాబిస్తున్నారు. స్వాతంత్రం విషయంలో రామ్ గోపాల్ వర్మ చేసిన వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.
True independence for a husband is to get independence from his nagging wife and for a wife,it is to get independence from her boring husband and for children it is to get independence from their irritating parents #HappyIndependenceDay
— Ram Gopal Varma (@RGVzoomin) August 15, 2022
