రీ రిలీజ్ కానున్న చరణ్ మూవీ.. వచ్చే డబ్బులతో ఏం చేయబోతున్నారంటే..!

మెగా పవర్ స్టార్ రామ్ చరణ్ కెరీర్​లో ఎన్నో హిట్లు ఉన్నాయి. వాటిల్లో ‘ఆరెంజ్’ మూవీ సమ్​థింగ్ స్పెషల్ అనే చెప్పాలి. హిట్ అయిన సినిమాలనే కాదు.. డిజాస్టర్ అయిన మూవీస్​కు కూడా ప్రేక్షకుల హృదయాల్లో స్థానం ఉంటుందని చెప్పేందుకు ‘ఆరెంజ్’ చిత్రాన్ని ఉదాహరణగా చెప్పొచ్చు. బొమ్మరిల్లు భాస్కర్ దర్శకత్వంలో ఈ సినిమాను భారీ బడ్జెట్​తో తెరకెక్కించారు. ఈ మూవీ పూర్తిగా ఫారిన్ బ్యాక్​డ్రాప్​లో నడిచే లవ్​స్టోరీగా రూపొందింది. ఇందులో చరణ్ లవర్ బాయ్​గా నటించారు. ప్రేమకు స్పాన్ తక్కువని, కాబట్టి కొంతకాలమే ప్రేమిస్తా అంటూ చెర్రీ చెబుతూ ఉంటారీ మూవీలో. అంతకుముందు ఎవరూ టచ్ చేయని ఓ కోణంలో ఈ సినిమాను భాస్కర్ చెప్పే ప్రయత్నం చేశారు.

రెగ్యులర్ ఆడియెన్స్​కు అంతగా కనెక్ట్‌ కాకపోవడంతో ‘ఆరెంజ్’ సినిమా అనుకున్నంత సక్సెస్ కాలేదు. ఈ సినిమా నష్టాలను మిగిల్చింది. ‘ఆరెంజ్’ డిజాస్టర్ అవ్వడంతో చిత్రాన్ని నిర్మించిన నాగబాబు అప్పుల్లో కూరుకుపోయారు. ఈ నేపథ్యంలో తాను ఆర్థికంగా, మానసికంగా ఇబ్బంది పడ్డానని పలు సందర్భాల్లో స్వయంగా నాగబాబే చెప్పడం గమనార్హం. అయితే బిగ్​స్క్రీన్ ఆడియెన్స్​కు అంతగా కనెక్ట్ కాకపోయినా.. బుల్లితెర, యూట్యూబ్​ ద్వారా ప్రేక్షకులకు చేరువైంది ‘ఆరెంజ్’. ఇప్పటికీ చాలా మంది యూత్ ఈ మూవీని చూసేందుకు ఇష్టపడుతూ ఉంటారు. ఇప్పుడు రావాల్సిన ఈ మూవీ.. ఎప్పుడో 15 ఏళ్ల కింద వచ్చిందని, అదే సినిమాకు మైనస్ అనే అభిప్రాయాలు కూడా వినిపిస్తూ ఉంటాయి.

అలాంటి ‘ఆరెంజ్’ సినిమా మళ్లీ రిలీజ్ కానుంది. మార్చి 27వ తేదీన చరణ్ పుట్టిన రోజు సందర్భంగా ఈ సినిమాను రీ రిలీజ్ చేయనున్నట్లు తెలుస్తోంది. చెర్రీ బర్త్​ డేకు ‘మగధీర’ను విడుదల చేద్దామనున్నా ఎందుకనో వాయిదా వేశారు. ఇక, ‘ఆరెంజ్’ రీరిలీజ్ ద్వారా వచ్చే వసూళ్ల మొత్తాన్ని జనసేన పార్టీకి విరాళంగా ఇవ్వాలని నాగబాబు నిర్ణయించుకున్నారని సమాచారం. యూత్​ ఫేవరెట్ మూవీగా చెప్పే ‘ఆరెంజ్’ ఈతరం ఆడియెన్స్​ను ఎంతవరకు ఆకట్టుకుంటుందో చూడాలి. కాగా, ఆస్కార్ అవార్డుల కార్యక్రమం ముగియడంతో రామ్ చరణ్ స్వదేశానికి చేరుకున్నారు. ఆయన నేరుగా హైదరాబాద్​కు కాకుండా ఢిల్లీకి వెళ్లారు. ఈ రోజు సాయంత్రం వరకు ఆయన అక్కడే ఉండనున్నారు. ఉదయం ‘ఇండియా టుడే కాన్​క్లేవ్’లో గెస్ట్​గా చెర్రీ పాల్గొననున్నారు. సాయంత్రం ప్రధాని నరేంద్ర మోడీతో సమావేశం కానున్నారాయన. ఆ తర్వాతే భాగ్యనగరానికి రానున్నారు. ‘ఆరెంజ్’ రీరిలీజ్ కోసం మీరు ఎంత ఆతృతగా ఎదురు చూస్తున్నారో కామెంట్ల రూపంలో తెలియజేయండి.

#Orange special Shows on occasion of @AlwaysRamCharan birthday

27th March 🎉
Theatres gonna Turn into Musical Concerts

❤️#RamCharan pic.twitter.com/7Eeoodeh38

— Thyview (@Thyview) March 17, 2023