follow us:
పాన్ ఇండియా స్టార్ ప్రభాస్, పూజాహెగ్డే జంటగా నటించిన పీరియాడిక్ ప్రేమకథా చిత్రం ‘రాధే శ్యామ్‘. గత ఏడాదిన్నర కాలంగా ఈ సినిమా రిలీజ్ కోసం ఫ్యాన్స్ ఆసక్తిగా ఎదురు చూస్తున్నారు. ఇప్పటికే టీజర్స్, సాంగ్స్, ట్రైలర్ లతో భారీ అంచనాలు క్రియేట్ చేసిన రాధేశ్యామ్.. మార్చి 11న ప్రపంచవ్యాప్తంగా విడుదలకు రెడీ అవుతోంది. ఈ సినిమాకి సంబంధించి ప్రమోషన్స్ కూడా భారీ స్థాయిలో చేస్తున్నారు మేకర్స్.
యూవీ క్రియేషన్స్, గోపికృష్ణ మూవీస్ సంయుక్తంగా నిర్మిస్తున్న ఈ సినిమాను రాధాకృష్ణ కుమార్ తెరకెక్కించారు. ఇక రిలీజ్ డేట్ దగ్గర పడుతుండటంతో థియేట్రికల్ ట్రైలర్ కోసం ఫ్యాన్స్ వెయిట్ చేస్తున్నారు. తెలుగుతో పాటు తమిళ, హిందీ, కన్నడ, మలయాళ భాషలతో పాటు పలు దేశాల స్థానిక భాషలలో కూడా రాధేశ్యామ్ రిలీజ్ అవుతోంది.
తాజాగా రాధే శ్యామ్ థియేట్రికల్ ట్రైలర్ రిలీజ్ చేశారు మేకర్స్. ఒక నిమిషంపాటు నిడివి కలిగిన ట్రైలర్ లో.. ‘మనం ఆలోచిస్తున్నామని భ్రమ పడతాం.. కానీ మన ఆలోచనలు కూడా ముందే రాసుంటాయి’ అంటూ ప్రభాస్ డైలాగ్ తో ప్రారంభమైన ట్రైలర్.. ఆద్యంతం ఇంటెన్సిటీతో సాగింది. ఫస్ట్ నుండి చెప్పుకున్నట్లుగానే ట్రైలర్ లో విజువల్స్ వేరేలెవెల్ లో ఉన్నాయి. ప్రభాస్ – పూజాహెగ్డేల పెయిర్.. లవ్ సీన్స్.. మ్యూజిక్ ఆద్యంతం అబ్బురపరుస్తున్నాయి. మరి ఈ రాధేశ్యామ్ ట్రైలర్ పై మీ అభిప్రాయాలను కామెంట్స్ లో తెలియజేయండి.
