‘ఉస్తాద్ భగత్ సింగ్’గా రాబోతున్న పవన్ కళ్యాణ్.. ఫ్యాన్స్ కి పండగే!

ఎట్టకేలకు ఇన్నాళ్లకు పవర్ స్టార్ పవన్ కళ్యాణ్ అభిమానులకు గుడ్ న్యూస్ చెప్పాడు డైరెక్టర్ హరీష్ శంకర్. గబ్బర్ సింగ్ తర్వాత ఎప్పుడెప్పుడు పవన్ కళ్యాణ్ – హరీష్ కాంబినేషన్ లో సెకండ్ మూవీ వస్తుందా? అని ఎదురుచూస్తున్న ఫ్యాన్స్ ని ‘భవదీయుడు భగత్ సింగ్’ అనే సినిమా ప్రకటించి కూల్ చేశాడు. ఆ సినిమా టైటిల్ తో పాటు పోస్టర్ కూడా రిలీజ్ చేసేసరికి సినిమా త్వరలోనే రానుందని భావించారు. ఓవైపు హరీష్ శంకర్ సినిమా తప్ప వేరే దర్శకులతో వరుసగా సినిమాలు చేసుకుంటూ వెళ్తున్నాడు పవన్. దీంతో అసలు హరీష్ తో సినిమా ఉంటుందా లేదా? అనే సందిగ్ధంలో పడిపోయారు ఫ్యాన్స్.

ఎందుకంటే.. పవన్ నుండి ఓ పక్కా మాస్ కమర్షియల్ సినిమాని ఎక్సపెక్ట్ చేస్తున్నారు ఫ్యాన్స్. గబ్బర్ సింగ్ సినిమా వచ్చి పదేళ్లు అవుతోంది. ఇప్పటికీ ఆ సినిమా క్రేజ్ అలాగే ఉంది. మరోవైపు పవన్ చేతిలో హరిహర వీరమల్లు, వినోదయ సితం, సుజీత్ తో ఓజి సినిమాలు లైన్ లో ఉన్నాయి. ఈ క్రమంలో తాజాగా హరీష్ శంకర్ సినిమా వచ్చి చేరింది. భవదీయుడు భగత్ సింగ్ మూవీనే.. ‘ఉస్తాద్ భగత్ సింగ్’గా టైటిల్ మార్చి కొత్తగా పోస్టర్ రిలీజ్ చేశాడు హరీష్. దీంతో పవన్ ఫ్యాన్స్ లో మరోసారి ఊపు మొదలైంది. పైగా ‘మనల్ని ఎవడ్రా ఆపేది..’ అనే ట్యాగ్ లైన్ పెట్టేసరికి ఫ్యాన్స్ రెట్టింపు ఆనందం వ్యక్తం చేస్తున్నారు.

ఇదిలా ఉండగా.. ఈ సినిమాని మైత్రి మూవీస్ వారు నిర్మించనుండగా.. దేవిశ్రీ ప్రసాద్ సంగీతం, అయినంక బోస్ సినిమాటోగ్రఫీ అందించనున్నారు. ఈ సినిమా కోసం మరో దర్శకుడు దశరథ్ స్క్రిప్ట్ పరంగా ఇన్వాల్వ్ అయినట్లు హరీష్ శంకర్ తెలిపాడు. అయితే.. ఈ సినిమాకి సంబంధించి వేరే కథనాలు కూడా బలంగా వినిపిస్తున్నాయి. ఉస్తాద్ భగత్ సింగ్ మూవీ.. తమిళంలో దళపతి విజయ్ తో అట్లీ తెరకెక్కించిన ‘తేరి’ సినిమాకి రీమేక్ గా రాబోతుందని రూమర్స్ ప్రచారంలో ఉన్నాయి. అదీగాక ఇటీవలే తేరి రీమేక్ వద్దంటూ ఫ్యాన్స్ పెద్ద ఎత్తున ట్విట్టర్ లో రచ్చ చేసిన సంగతి తెలిసిందే. చూడాలి మరి హరీష్ శంకర్ ఎలాంటి స్క్రిప్ట్ రెడీ చేస్తున్నాడో!

❤️‍🔥❤️‍🔥❤️‍🔥@PawanKalyan in and as #UstaadBhagatSingh 🔥

This time, it’s beyond entertainment 😎🔥

Shoot begins soon 💥❤️‍🔥@harish2you @ThisIsDSP @DoP_Bose @MythriOfficial pic.twitter.com/F7EFDOW3F8

— Mythri Movie Makers (@MythriOfficial) December 11, 2022