ప్రభుదేవా కొరియోగ్రఫీలో చిరు, సల్మాన్ స్టెప్పులు!

టాలీవుడ్ లో గ్రేస్, డ్యాన్స్ అనగానే గుర్తొచ్చే పేరు మెగాస్టార్ చిరంజీవి. దశాబ్దాల కాలంగా తెలుగు ప్రేక్షకులను అలరిస్తున్న ఆయన.. ఖైదీ నెంబర్ 150 మూవీతో సెకండ్ ఇన్నింగ్స్ స్టార్ట్ చేశారు. వచ్చీ రావడంతో ‘బాస్ ఈజ్ బ్యాక్’ అంటూ సాలిడ్ కంబ్యాక్ హిట్ నమోదు చేశారు. అయితే.. ఆ తర్వాత పాన్ ఇండియా మూవీ సైరా, రీసెంట్ గా ఆచార్య సినిమాలతో ప్రేక్షకుల ముందుకొచ్చినా రెండు బాక్సాఫీస్ వద్ద బాస్ క్రేజ్ ని చూపించలేకపోయాయి. ఇప్పుడు ‘గాడ్ ఫాదర్’ మూవీతో మరోసారి రెడీ అవుతున్నారు.

మలయాళం బ్లాక్ బస్టర్ ‘లూసిఫర్’ మూవీకి అధికారిక రీమేక్ గా ఈ సినిమాను దర్శకుడు మోహన్ రాజా తెరకెక్కిస్తున్నారు. ఈ సినిమాలో హీరోయిన్ నయనతార, బాలీవుడ్ హీరో సల్మాన్ ఖాన్ కీలకపాత్రలు పోషిస్తున్నారు. ఇదిలా ఉండగా.. ఈ సినిమాకు సంబంధించి తాజాగా ఓ క్రేజీ న్యూస్ వైరల్ అవుతోంది. ఇండియన్ మైకేల్ జాక్సన్ గా పిలుచుకునే కొరియోగ్రాఫర్ ప్రభుదేవా ఈ సినిమాలో సాంగ్స్ కంపోజ్ చేస్తున్నట్లు మెగాస్టార్ ట్వీట్ ద్వారా ప్రకటించారు.

ఈ నేపథ్యంలో చిరు – ప్రభుదేవా కాంబినేషన్ లో ఇదివరకు ఎన్నో బ్లాక్ బస్టర్ సాంగ్స్ వచ్చాయనే సంగతి తెలిసిందే. ఇప్పుడు మరోసారి ఈ కాంబోలో ఓ క్రేజీ నెంబర్ రెడీ అవుతోంది. అందులోనూ ఈసారి మెగాస్టార్ తో పాటు సల్మాన్ ఖాన్ కూడా కాలు కడుపుతుండటం విశేషం. ఈ విషయాన్నీ ప్రకటిస్తూ మెగాస్టార్ తాజాగా ట్వీట్ పోస్ట్ చేశారు. ప్రభుదేవా – చిరు – సల్మాన్ ల మాస్ మూవ్స్ ని తెరపై చూస్తే మెగాఫ్యాన్స్ కి పండగే అవుతుందని చెబుతున్నాయి సినీవర్గాలు. మరి చిరు, సల్మాన్, ప్రభుదేవా కాంబినేషన్ పై మీ అభిప్రాయాలను కామెంట్స్ లో తెలియజేయండి.

Shaking a leg with The Bhai @BeingSalmanKhan for #GodFather @PDdancing is at his Choreographing Best!! A sure shot Eye Feast!!@jayam_mohanraja @AlwaysRamcharan@MusicThaman @SuperGoodFilms_@KonidelaPro #Nayanthara @ProducerNVP @saregamasouth pic.twitter.com/mRjXRNhaJB

— Chiranjeevi Konidela (@KChiruTweets) July 29, 2022