ట్రీట్ అదిరింది.. ప్రభాస్ పై అమితాబ్ పొగడ్తల వర్షం!

పాన్ ఇండియా స్టార్ ప్రభాస్.. ప్రస్తుతం వరుసగా భారీ ప్రాజెక్టులతో బిజీ అయిన సంగతి తెలిసిందే. ఇటీవలే ప్రభాస్ – పూజాహెగ్డే కాంబినేషన్ లో తెరకెక్కిన ‘రాధేశ్యామ్‘ మూవీ.. మార్చి 11న ప్రపంచవ్యాప్తంగా రిలీజ్ కాబోతుంది. మరోవైపు ప్రభాస్.. లైనప్ చేసిన సినిమాలను కంప్లీట్ చేసే పనిలో పడ్డాడు. కొద్దిరోజుల క్రితమే పాన్ ఆసియా మూవీ ‘ప్రాజెక్ట్ కే‘ మూవీ షూటింగ్ ప్రారంభించాడు.

డైరెక్టర్ నాగ్ అశ్విన్ రూపొందిస్తున్న ఈ సినిమాలో దీపికా పదుకొనే హీరోయిన్ కాగా.. బిగ్ బీ అమితాబ్ బచ్చన్ కీలకపాత్రలో నటిస్తున్నాడు. అయితే.. ప్రభాస్ ఏ సినిమా చేసినా.. ఎంత పెద్ద స్టార్ యాక్టర్ తో నటించినా.. వాళ్లందరికీ తన ఇంటి భోజనం రుచి చూపిస్తాడు. ఇప్పటికే తనతో నటించిన హీరోయిన్స్ శ్రద్ధా కపూర్, పూజా హెగ్డేలతో పాటు ఇటీవల సలార్ బ్యూటీ శృతిహాసన్ కి రుచి చూపించాడు.

ఇక తాజాగా ప్రభాస్ ఇంటి వంట రుచి చూసే అవకాశం బిగ్ బీ అమితాబ్ బచ్చన్ కి దక్కింది. ప్రాజెక్ట్ కే షూటింగ్ సమయంలో అమితాబ్ కి మాంచి ఇంటి భోజనం రుచి చూపించాడు ప్రభాస్. ఈ విషయాన్ని స్వయంగా అమితాబ్ సోషల్ మీడియాలో వెల్లడించాడు. ‘టీ4198 – బాహుబలి ప్రభాస్​. మీ దాతృత్యం పరిధి లేనిది. మీ ఇంట్లో వండిన రుచికరమైన వంటకాలతో విందు చేయించారు. మీరు పంపిన ఆహారం ఒక సైన్యానికి తినిపించవచ్చు. అంతేకాకుండా స్పెషల్ కుకీలు అత్యంత రుచిగా ఉన్నాయి. కానీ, మీ కాంప్లిమెంట్స్​ మాత్రం జీర్ణించుకోలేను’ అంటూ తన పోస్టులో తెలిపారు అమితాబ్. ప్రస్తుతం అమితాబ్ పోస్ట్ వైరల్ అవుతోంది. మరి అమితాబ్ పోస్ట్ పై మీ అభిప్రాయాలను కామెంట్స్ లో తెలియజేయండి.

T 4198 – ‘Bahubali’ Prabhas .. your generosity is beyond measure .. you bring me home cooked food, beyond delicious .. you send me quantity beyond measure .. could have fed an Army ..
the special cookies .. beyond scrumptious ..
And your compliments beyond digestible 🤣

— Amitabh Bachchan (@SrBachchan) February 20, 2022