follow us:
ఈ మధ్య కాలంలో మీడియాలో ఎక్కువగా వినిపించిన పదం క్యాస్టింగ్ కౌచ్. అన్ని వ్యాపార రంగాలలో ఇది ఉన్న, గ్లామర్ ఫీల్డ్ లో కాస్త ఎక్కువగా వినపడుతూ ఉంటది. ఫిల్మ్ ఇండస్ట్రీ లో కాస్టింగ్ కౌచ్ గురించి ఎంత తక్కువగా మాట్లాడుకుంటే అంత మంచిదని ఇండస్ట్రీ గురించి తెలిసిన వారందరు చెప్తుంటారు. కానీ ఫిల్మ్ ఇండస్ట్రీకి చెందిన కొందరు అప్పుడప్పుడు బయటకు వచ్చి వాళ్ళు ఎదురుకొన్న క్యాస్టింగ్ కౌచ్ అనుభవాల గురించి మీడియా ముందు వాపోతుంటారు. తాజాగా ఈ విషయంపై నటి ప్రగతి సంచలన వ్యాఖ్యలు చేశారు.
ఇది కూడా చదవండి : పిల్లల కోసం రోబోతో చైనా సరికొత్త ప్రయోగం..
సోషల్ మీడియాలో ఎప్పుడూ యాక్టివ్ గా ఉండే నటి ప్రగతికి ఫాలోవర్స్ కూడా ఎక్కువే. ఆమె పోస్ట్ చేసే వర్కౌట్, డ్యాన్స్ వీడియోలు ఆమెకు భారీ ఫాలోయింగ్ సంపాదించి పెట్టాయి. క్యారెక్టర్ ఆర్టిస్ట్ గా మంచి
పేరు తెచ్చుకున్న ప్రగతి ప్రస్తుతం పలు సినిమాలతో బిజీగా ఉంది. అమ్మ, ఆంటీ, పిన్ని క్యారెక్టర్స్ ప్లే చేస్తున్న ఆమె.. ఇండస్ట్రీకి వచ్చిన కొత్తలో కాస్టింగ్ కౌచ్ ఎదుర్కొన్నట్లు తెలిపింది. దర్శక, నిర్మాతలతో పాటు ఓ స్టార్ హీరో తనతో గడపమని కోరాడని తాజా ఇంటర్వ్యూలో తెలిపింది.
తనతో రోజంతా గడిపితే సినిమాలో ఛాన్స్ ఇస్తానన్నాడని వివరించింది. అయితే అతను ఎవరో బయటపెట్టని ప్రగతి.. ఇలా చాలా మంది ఫిమేల్ ఆర్టిస్ట్‌లు ఇండస్ట్రీలో ఇబ్బందులు ఎదుర్కొంటున్నారని తెలిపింది. కానీ కొందరు మాత్రమే వాటి గురించి బయటకు వెల్లడిస్తారని తెలిపారు. ఇండస్ట్రీలో ముఖ్యంగా మహిళలకు ఏదో ఓ సందర్భంలో క్యాస్టింగ్ కౌచ్ అనుభవం ఎదురవుతుందని తెలిపారు. అలాంటి వాటికి లొంగితే మన జీవితం నాశనం అవుతుందని.. ప్రతిభను నమ్ముకోవాలని ఆమె సూచించారు.
