గ్యాస్ వినియోగదారులకు శుభవార్త! కీలక ప్రకటన చేసిన కేంద్ర ప్రభుత్వం..

గ్యాస్ సిలిండర్ల బరువు 1,2 కేజీలు తక్కువగా వస్తోంది.. అన్నది నేటి కాలంలో తరచుగా వినిపిస్తున్న ఫిర్యాదు. ఇలా ఒకటి రెండు సార్లు కాదు అనేక ప్రాంతాల్లో అనేక సార్లు ఫిర్యాదులు అందాయి. ఈ నేపథ్యంలోనే ఈ సమస్యకు చెక్ పెట్టేందుకు ముందడు వేసింది కేంద్ర ప్రభుత్వం. ఇప్పటికే సిలిండర్ ధరల పెరుగుదలతో ఇబ్బంది పడుతున్న గ్యాస్ వినియోగదారులకు ఇది ఒక శుభవార్తగానే చెప్పొచ్చు. ఈ క్రమంలోనే కేంద్ర ప్రభుత్వం ఓ కీలక నిర్ణయం తీసుకుంది. గ్యాస్ బుకింగ్, బరువు, నకిలీ ఏజెన్సీలకు చెక్ పెట్టేందుకు కట్టుదిట్టమైన చర్యలు తీసుకోనుంది. మరిన్ని వివరాల్లోకి వెళితే..

మధ్యతరగతి మానవుడి నుంచి మనీ ఉన్న ధనవంతుడి వరకు అవసరమైంది గ్యాస్ సిలిండర్. దాంతో ఈ గ్యాస్ మార్కెట్ పై బ్లాక్ దందా కన్ను పడటం సహజమే. ఈక్రమంలోనే గ్యాస్ బుకింగ్ దగ్గర నుంచి సిలిండర్ బరువు వరకు అనేక సమస్యలు వస్తున్నట్లు ఫిర్యాదులు అందుతున్నాయి. మరీ ముఖ్యంగా సిలిండర్ బరువుపై చాలా ఫిర్యాదులు వస్తున్న నేపథ్యంలో.. కేంద్ర ప్రభుత్వం కీలక నిర్ణయం తీసుకున్నట్లు పెట్రోలియం శాఖ మంత్రి హర్దీప్ సింగ్ పూరీ తెలిపారు. ఇక నుంచి అన్ని గ్యాస్ సిలిండర్లుకు కూడా QR కోడ్ వ్యవస్థను అమలు చేయనున్నట్లు కేంద్రం ప్రకటించింది. ఈ క్యూఆర్ కోడ్ తో మీకు సప్లై అయ్యే గ్యాస్ సిలిండర్.. ఏ ఏజెన్సీ నుంచి డెలివరీ అవుతుంది? ఎక్కడ దీన్ని నింపారు? ఇక సిలిండర్ ఎన్ని కేజీలు ఉంది? అన్న వివరాలు అన్నీ ఈ క్యూఆర్ కోడ్ ద్వారా తెలుసుకోవచ్చని కేంద్ర ప్రభుత్వం తెలిపింది. ఈ క్యూఆర్ వ్యవస్థను తీసుకురావడానికి ప్రధాన కారణం సిలిండర్ బరువుపై వస్తోన్న ఫిర్యాదులే అని కేంద్రం స్పష్టం చేసింది. రానున్న 3 నెలల్లో ఈ ప్రక్రియ పూర్తి అవుతుందని అధికారులు తెలియజేసినట్లు సమాచారం. ఈ క్యూఆర్ కోడ్ వ్యవస్థ ద్వారా బ్లాక్ దందాకు, ఇతర సమస్యలకు ముగింపు పలకనున్నట్లు కేంద్రం తెలిపింది.

Fueling Traceability!
A remarkable innovation – this QR Code will be pasted on existing cylinders & welded on new ones – when activated it has the potential to resolve several existing issues of pilferage, tracking & tracing & better inventory management of gas cylinders. pic.twitter.com/7y4Ymsk39K

— Hardeep Singh Puri (@HardeepSPuri) November 16, 2022