హైదరాబాద్‌ నగర పోలీసు చరిత్రలో అత్యంత అరుదైన ఘట్టం

Hyderabad Police : హైదరాబాద్‌ నగర్‌ పోలీసు చరిత్రలో అరుదైన ఘట్టం చోటుచేసుకుంది. నగరంలోని లాలాగూడ లా అండ్ ఆర్డర్ పోలీస్ స్టేషన్ ఎస్‌హెచ్‌ఓగా ఓ మహిళా పోలీసు బాధ్యతలు చేపట్టారు. సర్కిల్‌ ఇన్‌స్పెక్టర్‌ మధులత మంగళవారం బాధ్యతలు స్వీకరించారు. ఈ ఉదయం హోం మినిష్టర్‌ మహమూద్‌ అలీ, హైద‌రాబాద్‌ నగర పోలీసు క‌మిష‌న‌ర్ సీవీ ఆనంద్ క‌లిసి మధులతకు బాధ్యతలు అప్పగించారు. అనంతరం అభినందనలు తెలియజేశారు. ఓ మహిళా పోలీసు ఎస్‌హెచ్‌ఓగా బాధ్యతలు చేపట్టడం ఇదే మొట్టమొదటిసారి. ఇప్పటివరకు రాజధానిలోని మూడు కమిషనరేట్లలో ఏ మహిళా పోలీసు శాంతి భద్రతల విభాగ పోలీస్‌ స్టేషన్‌కు ఎస్‌హెచ్‌గా లేకపోవటం గమనార్హం. ఈ వార్తపై మీ అభిప్రాయాలను కామెంట్ల రూపంలో తెలియజేయండి.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.