Moon mission: ప్రపంచమంతా ఎదురుచూసిన ఆర్టెమిస్ 1 ప్రయోగం నిలిపివేత.. నాసా ప్రకటన!

చంద్రుడి మీదకు మనుషులను పంపడానికి నాసా శ్రీకారం చుట్టిన ఆర్టిమిస్-1 ప్రయోగం వాయిదాపడింది. స్పేస్ లాంచ్ సిస్టమ్, ఇంజిన్‌- R25లో సాంకేతిక లోపం తలెత్తడంతో ప్రయోగాన్ని నిలిపివేసినట్లు ప్రకటించింది నాసా. ఇంజిన్‌ను ప్రయోగించే ముందు కండిషన్ చేయడానికి లిక్విడ్ హైడ్రోజన్ మరియు ఆక్సిజన్‌తో బ్లీడ్ చేయవలసి ఉంటుంది. అయితే.. ఒకదానిలో ఆ విధంగా జరగట్లేదని నాసా ఇంజనీర్లు గుర్తించారు. వెంటనే.. అప్రమత్తమైన నాసా.. కౌంట్‌డౌన్‌ క్లాక్‌ను టీ-40 నిమిషాల వద్ద నిలిపేసి వాయిదా వేస్తున్నట్లు ప్రకటించింది.

చంద్రుడిపైకి మాన‌వుల‌ను పంపించాల‌న్న ఉద్దేశంతో ఆర్టెమిస్‌ ప్రాజెక్టును చేప‌ట్టారు. అయితే ఆర్టెమిస్-1 ప్ర‌ధాన టార్గెట్ ఓరియ‌న్ సిస్ట‌మ్‌ను ప‌రీక్షించ‌డ‌మే. అంత‌రిక్ష వాతావ‌ర‌ణంలో ఎలా ఓరియ‌న్ క్యాప్సూల్స్ ప‌నిచేస్తుంది. వ్యోమ‌గాముల‌ను మోసుకువెళ్లే ఓరియ‌న్ క్యాప్సూల్ ఎలా రీ ఎంట్రీ ఇస్తుంది, కింద‌కు ఎలా దిగుతుంది, రిక‌వ‌రీ ఎలా ఉంటుంది అన్న దానిపై పరిశోధనలు చేయడానికి నాసా టెస్ట్ చేస్తోంది. అయితే.. ఆర్టెమిస్‌-1 ప్రాజెక్టులో వ్యోమగాములు ఎవ‌రూ ఉండ‌రు. 2024 త‌ర్వాత చేప‌ట్టే ఆర్టెమిస్ ప్రాజెక్టుల్లో ఆస్ట్రోనాట్స్ ఉంటారు.

The countdown clock is on a hold at T-40 minutes. The hydrogen team of the @NASA_SLS rocket is discussing plans with the #Artemis I launch director. Operational commentary continues at https://t.co/z1RgZwQkWS. pic.twitter.com/5J6rHVCe44

— NASA (@NASA) August 29, 2022

ఈ ప్రయోగం అనుకున్నట్లు జరిగుంటే.. 2024 త‌ర్వాత చంద్రునిపై మనుషులు ,మళ్లీ కాలుమోపేవారు. చంద్రుడిపై మనిషి కాలుపెట్టి అర్ధశతాబ్దం దాటింది. తొలిసారిగా 1969లో అమెరికాకు చెందిన వ్యోమగామి నీల్ ఆర్మ్ స్ట్రాంగ్ చంద్రుడిపై కాలు మోపారు. 1969 నుంచి 1972 వరకు అపోలో మిషన్ ద్వారా 24 మంది వ్యోమగాములను నాసా చంద్రుడి వద్దకు పంపింది. వీరిలో 12 మంది చంద్రునిపై కాలుమోపారు. ఆ తర్వాత ఎవ్వరు కూడా జాబిల్లిపై అడుగుపెట్టలేదు. చివరిసారిగా చంద్రుడి మీదకు మనుషులు వెళ్లి వచ్చిన నాసా అపోలో 17 మిషన్ కు ఈ ఏడాది డిసెంబర్ 50 ఏళ్లు పూర్తవుతాయి. ఈ విషయంపై మీ అభిప్రాయాలను కామెంట్ల రూపంలో తెలియజేయండి.

#Artemis I update: Launch is currently in an unplanned hold as the team works on an issue with engine number 3 on the @NASA_SLS core stage. Operations commentary continues at https://t.co/z1RgZwQkWS https://t.co/mFyoeRMC6q

— NASA (@NASA) August 29, 2022