ఆర్థిక ఇబ్బందులు తాళలేక విలాసవంతమైన ఇంటిని అమ్ముకున్న స్టార్‌ క్రికెటర్‌!

ఆర్థిక ఇబ్బందు భరించలేక ఆస్ట్రేలియా స్టార్‌ క్రికెటర్‌ స్టీవ్‌ స్మిత్‌ తన విలాసవంతమైన విల్లాను అమ్మేసినట్లు సమాచారం. మన కరెన్సీలో దాదాపు వంద కోట్ల విలువ చేసే ఇంటిని అమ్మేంత కష్టం అతనికి ఏమొచ్చి ఉంటుందని క్రికెట్‌ ఫ్యాన్స్‌ చర్చించుకుంటున్నారు. కొంతకాలంగా స్టీవ్‌స్మిత్‌ గడ్డు కాలాన్ని ఎదుర్కొంటున్నాడు. ఫామ్‌ను కోల్పోయాడు. తన స్థాయికి తగ్గట్టుగా ఆడట్లేదు.

ఐపీఎల్‌ 2022 మెగా వేలంలోనూ స్మిత్‌ను ఏ ఫ్రాంచైజ్‌ కొనుగోలు చేయలేదు. ఆస్ట్రేలియా జాతీయ జట్టులో కొనసాగుతున్నా.. పెద్దగా రాణించట్లేదు. ప్రస్తుతం శ్రీలంకలో పర్యటిస్తోన్న జట్టులో ఉన్నా లేదనిపించుకుంటోన్నాడు. ఈ పరిస్థితుల్లో స్టీవ్ స్మిత్.. సిడ్నీలోని తన విలాసవంతమైన విల్లాను అమ్ముకోవడం చర్చనీయాంశమైంది. 12.38 మిలియన్ డాలర్లకు దీన్ని అమ్ముకున్నట్లు ఆస్ట్రేలియా మీడియా తెలిపింది. మినీ సినిమా థియేటర్, హీటెడ్ స్విమ్మింగ్ పూల్, ఇతర అత్యాధునిక సౌకర్యాలు ఉన్న విల్లాను స్టీవ్ స్మిత్ అమ్మేశాడు. ఆర్థిక ఇబ్బందుల వల్లే దాన్ని విక్రయించాల్సి వచ్చిందనే అభిప్రాయాలు వ్యక్తమౌతున్నాయి.

కాగా.. రెట్టింపు ధర పలకడం వల్లే ఈ విలాసవంతమైన బంగళాను విక్రయించినట్లు ఆస్ట్రేలియన్ మీడియా పేర్కొంది. సిడ్నీ కింగ్స్ రోడ్‌లో ఉండే ఈ ఇంటిని 6.6 మిలియన్ డాలర్లకు 2020లో కొనుగోలు చేశాడు. దాన్ని భార్య డేనీ విల్లీస్ పేరు మీద బదలాయించాడు. ఇప్పుడు ఆ మొత్తం కంటే రెట్టింపు ఆదాయం వస్తోండటం వల్ల స్టీవ్ స్మిత్ ఆ విల్లాను అమ్మేశాడని తెలిపింది. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.