Kohli Surya Kumar Yadav: చివరి ఓవర్‌లో 6 బంతుల్లో 6 సిక్సులు కొడతావనుకున్నా: కోహ్లీ

భారత్-హాంకాంగ్ మ్యాచులో సూర్యకుమార్ యాదవ్ బ్యాటింగ్ ప్రత్యేక ఆకర్షణగా నిలిచింది. ఇంకా చెప్పాలంటే చివరి ఓవర్లో నాలుగు సిక్సులు కొట్టడం మ్యాచుకే హైలెట్. అలాంటి ఆ సిక్సుల గురించి ఏకంగా కోహ్లీ మెచ్చుకుంటే ఎలా ఉంటుంది. అవును అదే జరిగింది. సూర్య బ్యాటింగ్ కి ఫుల్ ఫిదా అయిన కోహ్లీ.. మనోడిని తెగ పొగిడేశాడు.

ఇక వివరాల్లోకి వెళ్తే.. వచ్చిన ప్రతి అవకాశాన్ని సద్వినియోగం చేసుకుంటున్న భారత బ్యాటర్ సూర్యకుమార్ యాదవ్. మొన్నటికి మొన్న పాక్ తో మ్యాచ్ లో 18 పరుగులు చేసి ఔటయ్యాడు. కానీ హాంకాంగ్ తో మ్యాచులో మాత్రం చెలరేగిపోయాడు. ఓ ఎండ్ లో కోహ్లీ.. నిలకడగా ఆడుతూ సపోర్ట్ ఇవ్వడంతో సూర్య చితక్కొట్టాడు. 26 బంతుల్లో 68 పరుగులు చేసి విజయంలో కీలకపాత్ర పోషించాడు. మరీ ముఖ్యంగా చివరి ఓవర్లో నాలుగు సిక్సులు కొట్టాడు. ఇంకో రెండు సిక్సులు కొట్టుంటే.. యువరాజ్ సరసన చేరేవాడు.

హాంకాంగ్ తో మ్యాచ్ తర్వాత సూర్యకుమార్ ని విరాట్ కోహ్లీ ఇంటర్వ్యూ చేశాడు. ఈ వీడియోని బీసీసీఐ ట్విట్టర్ లో పోస్ట్ చేసింది. ఈ క్రమంలోనే మాట్లాడిన విరాట్.. ‘సూర్య కుమార్ ని ఇంటర్య్వూ చేయడం గౌరవంగా భావిస్తున్నాను. ఈ మ్యాచ్ లో అద్భుతమైన బ్యాటింగ్ చేశాడు. మరో ఎండ్ లో ఉన్న నేను.. సూర్య బ్యాటింగ్ చేస్తుంటే చాలా ఎంజాయ్ చేశాను. ఐపీఎల్ లో వేర్వేరు జట్లలో ఆడాం. కానీ భారత్ జట్టుకి ఆడుతూ సూర్య బ్యాటింగ్ ని దగ్గర నుంచి చూడటం చాలా బాగుంది’ అని అన్నాడు. అనంతరం మాట్లాడిన సూర్య కుమార్.. ‘కోహ్లీ మరో ఎండ్ లో ఉండటంతో నాకు బ్యాటింగ్ సులభం అయింది’ అని చెప్పాడు. ‘చివరి ఓవర్ లో 6 బంతుల్లో 6 సిక్సులు కొడతావనుకున్నా’ అని కోహ్లీ అనగా.. ‘వీలైనంత వరకు ప్రయత్నించాను. కానీ యువరాజ్ రికార్డుని బ్రేక్ చేయలేకపోయాను’ అని సూర్య కుమార్ సమాధానమిచ్చాడు.

ఈ మ్యాచ్ లో సూర్యకుమార్ బ్యాటింగ్ కి ఫిదా అయిన కోహ్లీ.. టేక్‌ ఏ బో అన్నట్లుగా తలవంచి అతడికి అభినందనలు తెలిపాడు. ఈ వీడియో, ఫొటోలు సోషల్ మీడియాలో తెగ వైరల్ అయ్యాయి. వీటిని చూసిన ఫ్యాన్స్ కూడా తెగ ముచ్చటపడుతున్నారు. ఇదిలా ఉండగా ఈ మ్యాచులో ఫస్ట్ బ్యాటింగ్ చేసిన భారత్.. నిర్ణీత 20 ఓవర్లలో 192 పరుగులు చేసింది. అనంతరం ఛేదనలో హాంకాంగ్ జట్టు.. 5 వికెట్లు కోల్పోయి 152 పరుగులు మాత్రమే చేయగలిగింది. మరి సూర్యకుమార్-కోహ్లీ ఇంటర్వ్యూ గురించి మీరేం అనుకుంటున్నారు. మీ అభిప్రాయాన్ని కామెంట్స్ లో పోస్ట్ చేయండి.

ఇది కూడా చదవండి: సూర్యకుమార్‌ యాదవ్‌ సునామీ ఇన్నింగ్స్‌కు కోహ్లీ ఫిదా! ఊహించని విధంగా గౌరవించాడు!

 

Of two stellar knocks, a dominating partnership, mutual admirations & much more 💥👌

𝐃𝐨 𝐍𝐨𝐭 𝐌𝐢𝐬𝐬 – Half-centurions @imVkohli & @surya_14kumar chat up after #TeamIndia‘s win against Hong Kong 👍 – by @ameyatilak

Full interview📽️👇 #AsiaCup2022 https://t.co/Hyle2h3UBQ pic.twitter.com/39Ol62g2Qf

— BCCI (@BCCI) September 1, 2022