follow us:
ఈ ఏడాది జరిగిన ఆసియా కప్‌ 2022ను సాధించడంలో భారత పురుషుల జట్టు విఫలమైనా.. వుమెన్స్‌ ఆసియా కప్‌ 2022లో భారత మహిళల జట్టు సత్తా చాటింది. శ్రీలంకతో శనివారం జరిగిన ఫైనల్లో భారీ విజయం సాధించింది విమెన్‌ ఇన్‌ బ్లూ. సెమీఫైనల్‌లో పాకిస్థాన్‌పై ఒక్క పరుగు తేడాతో అద్భుత విజయం సాధించి ఫైనల్‌ చేరిన శ్రీలంక.. ఫైనల్లో మాత్రం భారత్‌ బౌలర్ల ముందు నిలువలేకపోయింది. అబ్బాయిలు సాధించినట్లు ఆసియా కప్‌ను తాము కూడా సాధించాలని ఆశపడ్డ శ్రీలంక మహిళా జట్టు దారుణ ఓటమిని చవిచూసింది. కాగా.. మెన్స్‌ ఆసియా కప్‌ 2022లో శ్రీలంక ఛాంపియన్‌గా నిలిచిన విషయం తెలిసిందే. కాగా.. విమెన్స్‌ ఆసియా కప్‌లో మాత్రం శ్రీలంక ఆ ఫీట్‌ను రిపీట్‌ చేయలేకపోయింది. భారత బౌలింగ్‌ ముందు తలవంచింది.
ఇక మ్యాచ్‌ విషయానికి వస్తే.. ఈ మ్యాచ్‌లో తొలుత బ్యాటింగ్‌ చేసిన శ్రీలంక 20 ఓవర్లలో 9 వికెట్లు నష్టానికి కేవలం 65 పరుగులు మాత్రమే చేయగలిగింది. రేణుకా సింగ్‌ ధాటికి లంక బ్యాటర్లు పెవిలియన్‌కు క్యూకట్టారు. శ్రీలంక బ్యాటర్లలో కేవలం ఇద్దరు మాత్రమే రెండెంకల స్కోర్‌ను చేరుకున్నారు. లంక బౌలర్‌ రనవీరా మాత్రమే 18 పరుగులతో టాప్ స్కోరర్‌గా నిలిచింది. భారత బౌలర్లలో రేణుకా సింగ్‌ 3 ఓవర్లలో కేవలం 5 పరుగులు మాత్రమే ఇచ్చి 3 వికెట్లు పడగొట్టింది. అలాగే గైక్వాడ్‌ 2, స్నేహ్‌ రాణా 2 వికెట్లు తీసుకున్నారు.
66 పరుగుల స్వల్ప లక్ష్యఛేదనకు దిగిన టీమిండియా కేవలం 8.3 ఓవర్లలోనే 2 వికెట్లు కోల్పోయి లక్ష్యాన్ని ఛేదించింది. కాగా.. 66 పరుగులు స్వల్ప లక్ష్యఛేదనలోనూ స్మృతి మంధాన చెలరేగి ఆడి.. 51 పరుగులు తనే బాదేసింది. 25 బంతుల్లో 6 ఫోర్లు, 3 సిక్సులతో 51 పరుగులు చేసి హాఫ్‌ సెంచరీ పూర్తిచేసుకుంది. కాగా.. ఆసియా కప్‌ను టీమిండియా విమెన్స్‌ టీమ్‌ సాధించడంపై సర్వత్రా హర్షం వ్యక్తం అవుతుంది. మెన్‌ ఇన్‌ బ్లూ సాధించలేకపోయినా.. విమెన్‌ ఇన్‌ బ్లూ సాధించారని కొనియాడుతున్నారు. కాగా.. ఫైనల్‌ పాకిస్థాన్‌తో జరిగి ఉంటే బాగుండేదని అంటున్నారు.
𝐈𝐍𝐃𝐈𝐀 𝐀𝐑𝐄 𝐖𝐎𝐌𝐄𝐍’𝐒 𝐀𝐒𝐈𝐀 𝐂𝐔𝐏 𝟐𝟎𝟐𝟐 𝐂𝐇𝐀𝐌𝐏𝐈𝐎𝐍𝐒! 🇮🇳🏆
They lift the trophy for the seventh time! 👏#India #SriLanka #INDvSL #WomensAsiaCup2022 #CricketTwitter pic.twitter.com/3rMxbALpLV
— Sportskeeda (@Sportskeeda) October 15, 2022
