follow us:
సౌత్‌ ఆఫ్రికా టూర్‌ ఎంతో ఉత్కంఠ రేపి.. 2-2తో సమం అయ్యింది. ప్రస్తుతం టీమిండియా ఇంగ్లాండ్‌, ఐర్లాండ్‌ టూర్లతో బిజీగా ఉంది. ఇంగ్లాండ్‌ టూర్‌ లో ఒక టెస్టు, 3 టీ20లు, 3 వన్డేల్లో తలపడనుంది. అటు ఐర్లాండ్‌ తోనూ రెండు టీ20ల సిరీస్‌ లో పాల్గొనుంది. ఆ జట్టుకు హార్దిక్‌ పాండ్యా సారధ్యం వహించనున్న సంగతి తెలిసిందే. ఇప్పుడు ఈ ప్రాక్టీస్‌, ఈ బిజీ షెడ్యూల్స్‌ అన్నీ అక్టోబర్ లో ఆస్ట్రేలియాలో జరగనున్న ఐసీసీ మెన్స్‌ టీ20 వరల్డ్‌ కప్-2022 కోసమే అనీ అందరికీ తెలుసు. జట్లు సమాయత్తం కావడమే కాదు.. ఐసీసీ కూడా ఈ మెగా టోర్నీకి సంబంధించి కార్యచరణ ప్రారంభించినట్లు తెలుస్తోంది.
మెగా టోర్నీకి సంబంధించి అంతర్జాతీయ క్రికెట్ మండలి(ఐసీసీ) ఓ కీలక ప్రకటన చేసింది. ఐసీసీ మెన్స్‌ టీ20 వరల్డ్‌ కప్-2022లో పాల్గొనబోయే జట్లకు సంబంధించిన పూర్తి వివరాలు తెలియజేయాలంటూ డెడ్‌ లైన్‌ పెట్టింది. సెప్టెంబర్‌ 15లోపు తమ జట్టు తరఫున బరిలోకి దిగబోయే 15 మంది వివరాలను తెలియజేయాలని ఆదేశించింది. అంటే ఇటు బీసీసీఐ కూడా ఈ గడువులోపు ఎవరిని తుది జట్టులో ఎంపిక చేయాలనే దానిపై క్లారిటీ తీసుకోవాల్సి ఉంటుంది. సెప్టంబర్‌ 15లోపు మంచి ఫార్మ్ లో ఉన్న ప్లేయర్లను ఎంపిక చేసుకుని.. శిక్షణ కూడా ప్రారంభిచాల్సి ఉంటుంది.
Hello from Leicester and our training base for a week will be @leicsccc 🙌 #TeamIndia pic.twitter.com/MAX0fkQcuc
— BCCI (@BCCI) June 20, 2022
అక్టోబర్ 16న జరగనున్న క్వాలిఫయర్ మ్యాచ్‌తో టీ20 వరల్డ్‌ కప్ ప్రారంభం కానుంది. గ్రూప్‌ దశలో నమీబియా, శ్రీలంక, వెస్టిండీస్, స్కాట్లాండ్, ఐర్లాండ్‌, యూఏఈ టీమ్స్‌ రెండు గ్రూపులుగా విడిపోయి పోటీ పడతాయి. ఆ రెండు గ్రూపుల నుంచి టాప్‌-2లో నిలిచిన జట్లు భారత్‌, ఇంగ్లాండ్‌, ఆస్ట్రేలియా, పాకిస్తాన్, సౌత్‌ఆఫ్రికా, న్యూజిలాండ్, ఆఫ్గనిస్థాన్, బంగ్లాదేశ్‌ లతో సూపర్‌ 12లో తలపడతాయి. ఈ మెగా టోర్నీలో క్రికెట్ అభిమానులు ఎప్పుడెప్పుడా అని ఎదురుచూస్తున్న భారత్‌-పాక్‌ పోరు అక్టోబర్ 23న జరగనుంది. ఈసారి టీ20 వరల్డ్‌ కప్ కొట్టేది ఎవరు? మీ అభిప్రాయాలను కామెంట్స్ రూపంలో తెలియజేయండి.
#Icc Mens T20 World Cup 2022
India Matches ⭐ pic.twitter.com/xjgyZDrsnY— Santhosh (@santhprabha) January 21, 2022
Full schedule of the ICC Mens T20 World Cup 2022. #T20WorldCup pic.twitter.com/8Fb3w92K9A
— Raju Jangid (@imRJangid) January 21, 2022
