వివాదంలో చిక్కుకున్న యువరాజ్ సింగ్!

టీమ్ ఇండియా మాజీ క్రికెటర్ యువరాజ్ సింగ్ గురించి ప్రత్యేక పరిచయం అక్కరలేదు. గ్రౌండ్ లో తన బ్యాటింగ్, బౌలింగ్ తో ప్రత్యర్థులకు ముచ్చెమటలు పట్టిస్తాడు. క్రికెటర్ గానే కాకుండా బాలీవుడ్ లో నటుడిగా సత్తా చాటాడు. 2007 లో ప్రపంచ కప్ లో ఒకే ఓవర్ లో 6 సిక్సర్లు సాధించి చరిత్ర సృష్టించాడు. తాజాగా యువరాజ్ సింగ్ వివాదంలో చిక్కుకున్నాడు. గోవా సర్కార్ ఆయనకు నోటీసులు జారీ చేసింది. అంతేకాదు తమ ముందు హాజరు కావాల్సిందిగా ఆదేశాలు జారీ చేశారు. వివరాల్లోకి వెళితే..

క్రికెట్ రంగంలో ఆల్ రౌండర్ గా పేరు తెచ్చుకున్న యువరాజ్ సింగ్ కి గోవాలో ఒక విలాసవంతమైన విల్లా ఉంది. ఆ విల్లాను ‘కాసా సింగ్ ’ గా పిలుస్తారు. ఈ మద్య కాసా సింగ్ భవనాన్ని పర్యాటకులకు అద్దెకు ఇస్తానని యువీ ఆన్ లైన్ లో ఒక ప్రకటన ఇచ్చాడు. దీనిపై గోవా సర్కార్ సీరియస్ అయ్యింది. అధికారుల నుంచి ఎలాంటి అనుమతి లేకుండా విల్లాను అద్దెకు ఇస్తామని ఆన్ లైన్ లో యాడ్ ఇవ్వడంపై యూవీకి గోవా సర్కార్ నోటీసులు జారీ చేసినట్లు తెలుస్తుంది. వాస్తవానికి ఇక్కడ ఏదైనా విల్లా టూరిస్టులకు అద్దెకు ఇవ్వాలంటే గోవా రిజిస్ట్రేషన్ ఆఫ్ టూరిస్ట్ ట్రేడ్ యాక్ట్ 1982 ప్రకారం ప్రభుత్వం వద్ద రిజిస్ట్రేషన్ తప్పకుండా చేసుకోవాల్సి ఉంటుంది.

ఈ నేపథ్యంలో నవంబర్ 18 న మెర్జిమ్ ప్రాంతంలో కాసా సింగ్ పేరిట ఉన్న యువీ విల్లా అడ్రెస్ కి టూరీజం శాఖాధికారి పేరిట నోటీసు జారీ అయ్యింది. డిసెంబర్ 8న యువీని వ్యక్తి గతంగా హాజరై దీనిపై వివరణ ఇవ్వాలని ఆ నోటీసులో పేర్కొన్నట్లు సమాచారం. అంతేకాదు నిబంధనల ప్రకారం ప్రాపర్టీని రిజిస్ట్రేషన్ చేసుకోలేదు కనుక లక్ష రూపాయాలు కట్టాల్సిందిగా ఆ నోటీసులు పేర్కొన్నట్లు తెలుస్తుంది. ఏ స్థాయి వ్యక్తులైనా సరే హూటల్ లేదా గెస్ట్ హౌజ్ కార్యాకలాపాలు కొనసాగించాలంటే నిబంధనల ప్రకారం రిజిస్ట్రేషన్ చేయించుకోవాలని గోవా టూరీజం శాఖ స్పష్టంగా తెలియజేసింది. ఈ నోటీసులో గతంలో యువీ చేసిన ట్విట్స్ లను కూడా ప్రస్తావించింది.

I’ll be hosting an exclusive stay at my Goa home for a group of 6, only on @Airbnb. This is where I spend time with my loved ones & the home is filled with memories from my years on the pitch. Bookings open Sep 28, 1pm IST at https://t.co/5Zqi9eoMhc 🏖️#AirbnbPartner @Airbnb_in pic.twitter.com/C7Qo32ifuE

— Yuvraj Singh (@YUVSTRONG12) September 21, 2022