Dwayne Bravo: అరుదైన రికార్డు నెలకొల్పిన డ్వేన్ బ్రేవో.. టీ20 క్రికెట్‌లో తొలి బౌలర్‌గా ..!

వెస్టిండీస్‌ మాజీ ఆల్‌రౌండర్‌, చెన్నై సూపర్ కింగ్స్ కీలక ఆటగాడు.. డ్వేన్ బ్రేవో టి20 క్రికెట్‌లో అరుదైన రికార్డు నెలకొల్పాడు. టీ20 క్రికెట్‌లో 600 వికెట్లు తీసిన తొలి బౌలర్‌గా చరిత్ర సృష్టించాడు. ఇంగ్లాండ్ వేదికగా జరుగుతున్న హండ్రెడ్ టోర్నమెంట్‌లో బ్రావో ఈ ఫీట్‌ అందుకున్నాడు. హండ్రెడ్‌ లీగులో నార్తన్‌ సూపర్‌చార్జర్స్‌కు ఆడుతున్న బ్రావో.. ఓవల్‌ ఇన్‌విసిబుల్స్‌తో మ్యాచ్‌లో సామ్‌ కరన్‌ను ఔట్‌ చేయడం ద్వారా ఈ మార్క్‌ను అందుకున్నాడు.

డెత్‌ ఓవర్ల స్పెషలిస్ట్‌గా పేరున్న బ్రావో 516 ఇన్నింగ్స్‌ల్లో ఈ ఘనత అందుకున్నాడు. బ్రావో తర్వాత అఫ్గనిస్తాన్‌కు చెందిన రషీద్‌ ఖాన్‌ 466 వికెట్లు, విండీస్‌ మ్యాజిక్ స్పిన్నర్‌ సునీల్‌ నరైన్‌ 457 వికెట్లతో రెండు, మూడు స్థానాల్లో కొనసాగుతున్నారు. ఇక.. ఈ మ్యాచ్ లో మొత్తంగా 20 బంతులేసిన బ్రేవో 29 పరుగులిచ్చి 2 వికెట్లు తీశాడు. బ్రేవో తన కెరీర్ లో విండీస్‌ తరపున 40 టెస్టులు, 164 వన్డేలు, 91 టీ20 మ్యాచ్‌లు ఆడాడు.

Dwayne Bravo is streets ahead as he reaches 600 T20 wickets 🙌 pic.twitter.com/xYl0o9vZ02

— ESPNcricinfo (@ESPNcricinfo) August 11, 2022

2018లో తొలిసారి అంతర్జాతీయ క్రికెట్‌కు రిటైర్‌మెంట్‌ ప్రకటించిన బ్రావో 2020, టీ20 ప్రపంచకప్‌ దృశ్యా తాను టీ20లకు అందుబాటులో ఉంటానని చెప్పి రిటైర్‌మెంట్‌ను వెనక్కి తీసుకున్నాడు. ఆ తర్వాత టీ20 ప్రపంచకప్‌లో భాగంగా 2021.. నవంబర్‌ 6న.. ఆస్ట్రేలియాతో మ్యాచ్‌ అనంతరం బ్రావో అంతర్జాతీయ క్రికెట్‌కు గుడ్‌బై చెప్పాడు. ఇక ఈ మ్యాచ్‌ విషయానికొస్తే.. తొలుత బ్యాటింగ్‌ చేసిన నార్తన్‌ సూపర్‌ చార్జర్స్‌ 100 బంతుల్లో 7 వికెట్ల నష్టానికి 157 పరుగులు చేయగా.. ఓవల్‌ ఇన్‌విసిబుల్స్‌ 97 బంతుల్లోనే 7 వికెట్లు కోల్పోయి లక్ష్యాన్ని అందుకుంది.

Dwayne Bravo celebrates his 600th T20 wicket with a special dance moves. pic.twitter.com/kmZsb13zdf

— Ishika Pandey (@Ishika_Pandey45) August 12, 2022

ఇదీ చదవండి: టేబుల్ టెన్నిస్ క్రీడాకారిణి నైనా జైశ్వాల్ కు వేధింపులు!

ఇదీ చదవండి: Viral Video: ఆకలిగొన్న పులి విరాట్ కోహ్లీ.. ఈసారి ఘర్జించడం ఖాయం.. ఈ వీడియో ఒక్కటి చాలు!