follow us:
అన్ని ప్రయాణాల్లోకెల్లా సౌకర్యవంతమైనది.. రైలు ప్రయాణం. అందుకే పిల్లాపాపలతో కలిసి దూర ప్రాంతాలకు వెళ్లే వాళ్లు ఎక్కువగా రైలు ప్రయాణాన్నే ఎంచుకుంటారు. కానీ చిన్న పిల్లలతో వెళ్లే తల్లులు మాత్రం బెర్త్‌లో పడుకునే సమయంలో ఇబ్బంది పడుతుంటారు. అందుకే మదర్స్‌ డే సందర్భంగా చిన్న పిల్లల తల్లులకు రైల్వే శాఖ శుభవార్త చెప్పింది. ‘బేబీ బెర్త్‌’ను అందుబాటులోకి తెచ్చింది.
ప్రస్తుతం లక్నో – ఢిల్లీ మార్గంలో నడిచే లక్నో మెయిల్‌లో రెండు బెర్తులను ఏర్పాటు చేశారు. అయితే, బేబీ బెర్త్‌ కోసం ప్రత్యేకంగా రైల్వే ఎలాంటి అదనపు చార్జీలను వసూలు చేయడం లేదు. కొత్త సదుపాయం ప్రవేశపెట్టిన తర్వాత నవజాత శిశువులతో ప్రయాణించే మహిళలు సాఫీగా ప్రయాణం చేయొచ్చని రైల్వేశాఖ ట్వీట్‌ చేసింది. లక్నో మెయిల్‌లోని త్రీ-టైర్ ఏసీ కోచ్‌లో రెండు బెర్త్‌లతో పాటు బేబీ బెర్త్‌ను ప్రవేశపెట్టినట్లు రైల్వేశాఖ ట్వీట్‌లో ‘బేబీ బెర్త్‌’ ఫొటోను షేర్‌ చేసింది.
On Mother’s Day, Lucknow Divn of N.Rly. introduced a baby berth on experimental basis in Coach No.194129/B4, berth No 12 & 60. This will facilitate mothers travelling with their babies.
The fitted baby seat is foldable & secured with a stopper. @AshwiniVaishnaw @RailMinIndia pic.twitter.com/4jNEtchuVh
— Northern Railway (@RailwayNorthern) May 9, 2022
త్వరలోనే బేబీ బెర్త్‌ సదుపాయాన్ని ఇతర రైళ్లలోను వర్తింపజేయనున్నారు. ఈ సందర్భంగా లక్నో డివిజన్‌ డివిజనల్‌ మెకానికల్‌ ఇంజినీర్‌ అతుల్‌ సింగ్‌ మాట్లాడుతూ బేబీ బెర్త్‌ను రైలు లోయర్‌ బెర్త్‌లో ఏర్పాటు చేశామని, అవసరం లేని సమయంలో బెర్త్‌ను కిందికి మడతపెట్టవచ్చని పేర్కొన్నారు. బెర్త్‌ను ఏర్పాటు చేసుకోవడం సులభమని చెప్పారు. 770 మిల్లీమీటర్ల పొడవు, 255 మిల్లీమీటర్ల వెడల్పు, 76.2 మిల్లీమీటర్ల ఎత్తు ఉండే.. ఈ బేబీ బెర్త్‌కు.. బెర్త్‌పైనున్న శిశువు సురక్షితంగా ఉండేలా పట్టీలు సైతం ఏర్పాటు చేసినట్లు వివరించారు.
బేబీ బెర్త్‌ గురించి మరిన్ని విషయాలు..
♦ఈ బెర్త్‌ లోయర్‌ బెర్త్‌ కిందకు మడిచిపెట్టి ఉంటుంది. కింది నుంచి పైకి లాగి పెద్ద బెర్త్‌కు సమానంగా వచ్చేలా ఏర్పాటు చేసుకోవాలి.
♦బేబీ బెర్త్‌ కిందికి వంగిపోకుండా కింద స్టీల్‌ లాక్‌లు ఉంటాయి. వాటిని మెయిన్‌ బెర్త్‌కు ఉన్న రంధ్రాల్లోకి నెట్టాలి. చిన్నారి పడిపోకుండా ఉండేందుకు బెల్టులు ఉంటాయి. ♦ప్రయాణం అయిపోయాక స్టీల్‌ లాక్‌లను తీసేసి మళ్లీ మెయిన్‌ బెర్త్‌ కిందికి మడతబెట్టాలి.
♦చిన్నారితో కలిసి ప్రయాణిస్తున్నామని బుకింగ్‌ సమయంలో చెబితే బెర్త్‌ ఏర్పాటు చేసేలా చర్యలు తీసుకుంటారు.
It’s great if @RailMinIndia do this @AshwiniVaishnaw this will help mother&baby both. Recently we traveled to #Pune #Nagpur with our 1yr daughter & my wife could not sleep. Foldable #babyberth will be boon for both to have nice sleep. @narendramodi @DarshanaJardosh @drmpune pic.twitter.com/gTZw7rCvvi
— Manoj Pochat (@Manojpochat) May 10, 2022
ఇది కూడా చదవండి: Health Survey: సర్వేలో నమ్మలేని నిజాలు.. భర్తతో సె*కు నో చెబుతున్న 82% భార్యలు!
