వీడియో: ఐకియాలో గుండెపోటుతో కుప్పకూలిన వ్యక్తి.. సీపీఆర్‌ చేయడంతో!

ఈ మధ్యకాలంలో వయసుతో సంబంధం లేకుండా.. గుండెపోటుకు గురవుతున్న కేసులు పెరుగుతున్నాయి. ఎంతో ఆరోగ్యంగా ఉన్నవారు సైతం.. ఉన్నట్లుండి మృత్యువాత పడుతున్నారు. ఏమైంది.. ఏంటి అని తేరుకునేలోపే చనిపోతున్నారు. ఈ రోజు ఉదయం ఎస్‌యూవీ డ్రైవర్‌కు గుండెపోటు రావడంతో.. యాక్సిడెంట్‌ జరిగి.. సుమారు 10 మంది మృతి చెందిన సంగతి తెలిసిందే. ఇలా ఎవరైనా సడెన్‌గా గుండెపోటుతో కుప్పకూలితే.. అలాంటి వారికి వెంటనే కార్డియో పల్మనరీ రిసిటేషన్‌.. అంటే సీపీఆర్‌ చేస్తే బతికే అవకాశం ఉందంటున్నారు వైద్యులు. తాజాగా కార్డియాక్‌ అటాక్‌కు గురైన వ్యక్తికి.. సీపీఆర్‌ చేసి బతికించిన సంఘటన ఒకటి వెలుగు చూసింది. ఆ వివరాలు..

ఈ సంఘటన బెంగళూరు, ఐకియా షాపింగ్‌ మాల్‌లో గురువారం(డిసెంబర్‌ 29) చోటు చేసుకుంది. షాపింగ్‌ చేస్తుండగా ఓ వ్యక్తి ఉన్నట్లుండి గుండెపోటుతో కుప్పకూలాడు. దాంతో అతడికి ఏమైందో అర్థం కాక.. అక్కడున్న వారు భయపడ్డారు. అయితే బాధితుడి అదృష్టం బాగుండి.. అదే రోజు.. ఓ డాక్టర్‌ షాపింగ్‌ కోసం మాల్‌కి వచ్చాడు. విషయం తెలిసిన వెంటనే పరుగున బాధితుడి దగ్గరకు వెళ్లి సీపీఆర్‌ చేయసాగాడు. అలా 10 నిమిషాల పాటు బాధితుడి ఛాతిపై.. చేతితో నొక్కుతూ.. ఉండటంతో.. అతడి ప్రాణాలు కాపాడగలిగాడు

ఇందుకు సంబంధించిన వీడియోని సదరు డాక్టర్‌ కొడుకు ట్విట్టర్‌లో షేర్‌ చేయడంతో ప్రసుత్తం ఇది వైరలవుతోంది. ‘‘మా నాన్న ఒకరి జీవితాన్ని కాపాడాడు. బాధితుడి అదృష్టం బాగుండి మానాన్న ఈ రోజు షాపింగ్‌ కోసం మాల్‌కి వచ్చాడు. డాక్టర్లందరూ చల్లగా ఉండాలి’’ అంటూ.. బాధితుడికి సీపీఆర్‌ చేసిన వీడియోని ట్వీట్‌ చేశాడు. ప్రస్తుతం ఇది వైరలవుతోంది. డాక్టర్‌ చేసిన పనికి నెటిజనులు.. అతడిని ప్రశంసిస్తున్నారు. సకాలంలో స్పందించి.. ఓ వ్యక్తి ప్రాణాలు కాపాడం గ్రేట్‌ అని కామెంట్స్‌ చేస్తున్నారు.

My dad saved a life. We happen to be at IKEA Bangalore where someone had an attack and had no pulse. Dad worked on him for more than 10 mins and revived him. Lucky guy that a trained orthopedic surgeon was shopping in the next lane. Doctors are a blessing. Respect !!! pic.twitter.com/QXpXTMBOya

— Rohit Dak (@rohitdak) December 29, 2022