దీపావళి రోజు ఫుల్లుగా తాగి వేరే ఇంటికెళ్లి రచ్చ చేసిన ఎంపీ! చితకబాదిన యజమాని

దీపావళి పండుగ రోజు ఫుల్లుగా మందుకొట్టి తన ఇంటికి వెళ్లకుండా మత్తులో వేరే ఇంటికి వెళ్లి రచ్చ చేశాడు ఓ వ్యక్తి. ఇంటికి తాగి వచ్చి అనుచితంగా ప్రవర్తించడంతో ఆ వ్యక్తిని చితకబాదారు ఆ ఇంటి వారు. తీరా పోలీసులకు విషయం తెలిసి వచ్చి చూస్తే ఆయన మాజీ ఎంపీ. ఏఐఏడీఎంకే నేత. తమిళనాడులోని నీలగిరిలో ఓ ఇంట్లోకి మద్యం మత్తులో ప్రవేశించిన మాజీ ఎంపీ గోపాలకృష్ణన్‌పై ఆ ఇంటి యాజమాని దాడి చేశారు. పోలీసులు ఇంటి యజమానిని అరెస్ట్‌ చేశారు. కాగా ఇంటికి వచ్చి అనుచితంగా ప్రవర్తించిస్తే, ఆత్మరక్షణ కోసం దాడి చేసినట్లు, ఆయన ఎంపీ అని తమకు తెలియదని ఇంటి యజమాని పేర్కొన్నారు. కాగా తనపై గుర్తుతెలియని వ్యక్తులు దాడి చేశారని మాజీ ఎంపీ గోపాలకృష్ణన్‌ పేర్కొనడం గమనార్హం.