వీడియో: గాలిలో గింగిరాలు తిరిగిన విమానం.. ప్రయాణికులకు తీవ్ర గాయాలు!

విమాన ప్రయాణం చేయాలని, మబ్బుల చాటున ఆకాశంలో విహరించాలని అందరకి సరదానే. గాల్లో తేలియాడుతూ.. తక్కువ సమయంలోనే గమ్యస్థానం చేరుకునే అవకాశం ఉండటం వల్ల అలా కలలు కనడంలో ఎలాంటి సందేహం లేదు. ఇలా ఎన్నో ఆశలతో విమానం ఎక్కిన ప్రయాణికులకు, అది కాస్తా తీవ్ర విషాదాన్ని మిగిల్చింది. ఆకాశంలో ఉండగానే విమానం గింగిరాలు తిరగడంతో ప్రయాణికుల ముక్కులు, మూతులు పగిలాయి. అందుకు సంబంధించిన ఫోటోలు, వీడియోలు సోషల్ మీడియాలో చక్కర్లు కొడుతున్నాయి.

అర్జెంటీనాకు చెందిన ఎయిరోలినియస్ అర్జెంటీనాస్ R1133 విమానం స్పెయిన్ రాజధాని మాడ్రిడ్ నుంచి బ్యూనస్ ఎయిర్స్ కు బయలుదేరింది. మాడ్రిడ్ లో టేకాఫ్ అయిన విమానం అట్లాంటిక్ మహా సముద్రం మీదుగా బ్యూనస్ ఎయిర్స్ కు వెళ్తోంది. ఈ సమయంలో విమానంలో 271 మంది ప్రయాణికులు, 13 మంది సిబ్బంది ఉన్నారు. అలా వెళ్తుండగా ఒక్కసారిగా భారీ కుదుపులకు లోనైంది. ఈ ఘటనలో కొందరు ప్రయాణికులు ముక్కులు, మూతులు పగలకొట్టుకోగా, మరికొందరు విమానం ఎక్కడ కూలిపోతుందో అన్న భయంతో బిక్కు బిక్కు మంటూ గడిపినట్లు తెలుస్తోంది. ఈ ఘటన ఈ నెల అక్టోబర్ 18న చోటు చేసుకున్నట్లు తెలుస్తోంది.

Bueno pues hubieron unas turbulencias en las que no nos avisaron para ponernos el cinturón y todo el mundo salió volando. Hasta las azafatas por el pasillo.

Estos desperfectos en el avión están hechos con la cabeza. Las últimas 7 horas de vuelo una puta pesadilla. https://t.co/xXdzxYEXmO pic.twitter.com/g5wwmigeWL

— Adrianceitor (@adrianceitor_) October 19, 2022

అయితే.. సిబ్బంది, సీట్ బెల్ట్ ధరించాలని మమ్మల్ని అప్రమత్తం చేయలేదు.. విమానం ఒక్కసారిగా ఊగిపోవడం మొదలైంది. అలానే చాలాసేపు కుదిపేసింది. దీంతో ఒక్కసారిగా అంతా చెల్లాచెదురై పడిపోయాం అని ఓ ప్రయాణికుడు వెల్లడించారు. ఈ ఘటనలో విమాన సిబ్బందికి సైతం గాయాలయ్యాయి. ఈ ఘటన తర్వాత బ్యూనస్ ఎయిర్స్ లోని ఎజయిజా విమానాశ్రయంలో విమానం ల్యాండ్ అయ్యాక గాయపడిన వాళ్లకు చికిత్స అందించారు. ఈ ఘటన ఎలా జరిగిందన్న దానిపై విచారణ సాగుతోంది.