ఆంధ్రప్రదేశ్లోని నిరుద్యోగులకు APPSC శుభవార్త చెప్పింది. రాష్ట్ర పాఠశాల విద్యాశాఖ పరిధిలోని ‘డైట్’, ఎస్సీఈఆర్టీ సంస్థల్లో ఖాళీగా ఉన్న లెక్చరర్, సీనియర్ లెక్చరర్ పోస్టుల భర్తీకి ఏపీ పబ్లిక్ సర్వీస్ కమిషన్ ప్రకటన విడుదల చేసింది. ఈ నోటిఫికేషన్ ద్వారా మొత్తం 160 పోస్టులను భర్తీ చేయనున్నారు. అర్హులైన అభ్యర్థులు నవంబర్ 18 నుంచి డిసెంబర్ 8 వరకు ఆన్లైన్లో దరఖాస్తు చేసుకోవచ్చు.మొత్తం 160 పోస్టుల్లో డైట్ సంస్థల్లో 46 సీనియర్ లెక్చరర్ పోస్టులు, 104 లెక్చరర్ పోస్టులు ఉన్నాయి. అలాగే ఎస్సీఈఆర్టీలో 10 లెక్చరర్ పోస్టులను భర్తీ చేయనున్నారు.
ఈ పోస్టులకు దరఖాస్తు చేయాలనుకునే అభ్యర్థులు సంబంధిత సబ్జెక్టులో పోస్ట్ గ్రాడ్యుయేట్ డిగ్రీతో పాటు నిర్దేశిత వృత్తిపరమైన అర్హతలు కలిగి ఉండాలి. అభ్యర్థుల వయసు జులై 1, 2026 నాటికి 18 నుంచి 44 సంవత్సరాల మధ్య ఉండాలి. ప్రభుత్వ నిబంధనల ప్రకారం ఎస్సీ, ఎస్టీ, బీసీ, ఈడబ్ల్యూఎస్, దివ్యాంగ అభ్యర్థులకు వయోపరిమితిలో సడలింపులు వర్తిస్తాయి. ఎంపిక విధానం, వేతనం అభ్యర్థులను కంప్యూటర్ ఆధారిత పరీక్ష ద్వారా ఎంపిక చేస్తారు. పరీక్షలో సాధించిన మెరిట్ ఆధారంగా తుది నియామకాలు చేపడతారు.
ఎంపికైన వారికి పోస్టును బట్టి ఆకర్షణీయమైన వేతనం లభిస్తుంది. సీనియర్ లెక్చరర్లకు రూ.61,960 నుంచి రూ.1,51,370, ఎస్సీఈఆర్టీ లెక్చరర్లకు రూ.57,700 నుంచి రూ.1,82,400, డైట్ లెక్చరర్లకు రూ.54,060 నుంచి రూ.1,40,540 వరకు జీతం ఉంటుంది. ఆసక్తిగల అభ్యర్థులు ఏపీపీఎస్సీ అధికారిక వెబ్సైట్ ద్వారా దరఖాస్తు చేసుకోవాల్సి ఉంటుంది. పూర్తి వివరాల కోసం అధికారిక నోటిఫికేషన్ను పరిశీలించాలని కమిషన్ సూచించింది.
ఏపీపీఎస్సీ విడుదల చేసిన ఈ నోటిఫికేషన్కు దరఖాస్తు ప్రక్రియ నవంబర్ 18 నుంచి ప్రారంభమై డిసెంబర్ 8 వరకు కొనసాగనుంది. అయితే, దరఖాస్తు చేయాలనుకునే అభ్యర్థులు ముందుగా ఏపీపీఎస్సీ అధికారిక వెబ్సైట్ psc.ap.gov.in లో తమ ‘వన్ టైమ్ ప్రొఫైల్ రిజిస్ట్రేషన్’ అంటే OTPR ఐడీని క్రియేట్ చేసుకోవాల్సి ఉంటుంది. ఇప్పటికే OTPR ఉన్నవారు తమ వివరాలను అప్డేట్ చేసుకుని నేరుగా అప్లై చేసుకోవచ్చు. ఈ పోస్టులకు దరఖాస్తు చేసే సమయంలో అభ్యర్థులు చాలా జాగ్రత్తగా వ్యవహరించాలని కమిషన్ స్పష్టం చేసింది. ముఖ్యంగా పోస్ట్ గ్రాడ్యుయేషన్ మార్కుల జాబితా, బీఈడీ లేదా ఎంఈడీ వంటి వృత్తిపరమైన అర్హత సర్టిఫికెట్లతో పాటు, సీనియర్ లెక్చరర్ పోస్టులకు అప్లై చేసేవారు తమ టీచింగ్ అనుభవ ధృవీకరణ పత్రాలను సిద్ధంగా ఉంచుకోవాలి. అలాగే స్థానికత, కుల ధృవీకరణ పత్రాలను సరైన ఫార్మాట్లో అప్లోడ్ చేయాల్సి ఉంటుంది.
ఇక ఎంపిక విధానం విషయానికి వస్తే.. అభ్యర్థులకు కంప్యూటర్ ఆధారిత పరీక్ష, అంటే CBT పద్ధతిలో రాత పరీక్ష నిర్వహిస్తారు. ఇందులో ప్రధానంగా రెండు పేపర్లు ఉండే అవకాశం ఉంది. పేపర్-1 లో జనరల్ స్టడీస్ అండ్ మెంటల్ ఎబిలిటీ, పేపర్-2 లో అభ్యర్థి ఎంచుకున్న సంబంధిత సబ్జెక్టు నుంచి ప్రశ్నలు ఉంటాయి. పరీక్షలో నెగెటివ్ మార్కుల నిబంధన కూడా అమల్లో ఉంటుంది కాబట్టి అభ్యర్థులు ప్రిపరేషన్పై ప్రత్యేక దృష్టి పెట్టాలి. దరఖాస్తు గడువు డిసెంబర్ 8 వరకు ఉన్నప్పటికీ, చివరి రోజుల్లో సర్వర్ బిజీ సమస్యలు తలెత్తే అవకాశం ఉంది. కాబట్టి అర్హులైన అభ్యర్థులు చివరి తేదీ వరకు వేచి చూడకుండా, ముందుగానే దరఖాస్తు ప్రక్రియను పూర్తి చేయాలని అధికారులు సూచిస్తున్నారు. ఏవైనా సాంకేతిక సందేహాలు ఉంటే వెబ్సైట్లో ఇచ్చిన హెల్ప్ డెస్క్ నంబర్లను సంప్రదించవచ్చు.
మంచి జీతభత్యాలతో కూడిన ఉన్నత స్థాయి విద్యాశాఖ ఉద్యోగాలు కావడంతో వీటికి భారీ పోటీ ఉండే అవకాశం ఉంద
