ఉపాసన డెలివరీపై రూమర్స్.. క్లారిటీ ఇచ్చిన మెగా కోడలు!

మెగా కోడలు ఉపాసన గురించి తెలుగు ప్రేక్షకులకు పరిచయం అక్కర్లేదు. మెగా పవర్ స్టార్ రామ్ చరణ్ సతీమణిగానే కాకుండా.. అపోలో హాస్పిటల్స్ కి మేనేజర్ గా కూడా ఉపాసన అందరికీ సుపరిచితురాలే. ఓవైపు మెగా కోడలిగా బాధ్యతలు నిర్వర్తిస్తూనే.. మరోవైపు సోషల్ మీడియాలో యాక్టీవ్ గా ఉంటూ.. సామాజిక సేవా కార్యక్రమాలలో కూడా చురుకుగా పాల్గొంటుంటారు. ఇటీవలే ప్రెగ్నన్సీ కబురుతో మెగా ఫ్యాన్స్ అందరికీ గుడ్ న్యూస్ చెప్పిన ఉపాసన.. ప్రస్తుతం హస్బెండ్ తో విలువైన సమయాన్ని ఆస్వాదిస్తోంది. ఇలాంటి తరుణంలో.. ప్రెగ్నెన్సీతో ఉన్న ఉపాసన డెలివరీ గురించి కొన్ని రూమర్స్ సోషల్ మీడియాలో చర్చనీయాంశంగా మారాయి.

ఉపాసన డెలివరీ ఇండియాలో కాదు.. విదేశాలలో అంటూ కొన్ని పుకార్లు ఊపందుకున్నాయి. దీంతో తాజాగా డెలివరీ రూమర్స్ పై మెగా కోడలు క్లారిటీ ఇచ్చేసింది. తాను ఇండియాలోనే బిడ్డకు జన్మనివ్వబోతున్నట్లు తేల్చి చెప్పేసింది. రీసెంట్ అమెరికా వెళ్లిన చరణ్.. గుడ్ మార్నింగ్ అమెరికా ప్రోగ్రామ్ లో పాల్గొని సందడి చేశాడు. ఈ క్రమంలో ప్రోగ్రాం మెడికల్ కరస్పాండెంట్, గైనకాలజిస్ట్ జెన్నిఫర్ ఆస్టన్ తో చరణ్ పర్సనల్ విషయాలు కూడా మాట్లాడాడు. ఉపాసన కొన్ని రోజులు అమెరికాలో ఉంటుందని.. ఆమెకు మీరు అందుబాటులో ఉంటే బాగుంటుందని చరణ్.. జెన్నిఫర్ ఆస్టన్ కి సూచించారు.

చరణ్ మాటలకు జెన్నిఫర్ స్పందిస్తూ.. మీ ఫస్ట్ బేబీని దగ్గరుండి డెలివరీ చేయడం తనకెంతో గౌరవమని, అందుకోసం ఎప్పుడైనా సరే అందుబాటులో ఉంటానని చెప్పింది. దీంతో జెన్నిఫర్ మాటలను దృష్టిలో పెట్టుకొని.. కొంతమంది సోషల్ మీడియాలో ఉపాసన డెలివరీ అమెరికాలో జరగుతుందంటూ ప్రచారం చేశారు. దీనిపై స్పందిస్తూ ఉపాసన తాజాగా ట్వీట్ పెట్టారు. “డాక్టర్ జెన్నిఫర్ ఆస్టన్ మీరు చాలా స్వీట్. మిమ్మల్ని కలవడానికి ఎదురుచూస్తున్నా. దయచేసి మీరు మా అపోలో హాస్పిటల్స్ ఫ్యామిలీలో భాగమవ్వండి. ఇక్కడి వైద్యులు సుమన మనోహర్, రూమా సిన్హాతో కలిసి మా బేబీని డెలివరీ చేయండి” అంటూ ట్వీట్ లో పేర్కొంది. ప్రస్తుతం ఉపాసన ట్వీట్ నెట్టింట వైరల్ కాగా.. హమ్మయ్య చరణ్, ఉపాసనల మొదటి బిడ్డ ఇండియాలో పుట్టబోతుందని తెలిసి ఆనందం వ్యక్తం చేస్తున్నారు మెగాఫ్యాన్స్. ఇదిలా ఉండగా.. ప్రెజెంట్ రామ్ చరణ్.. శంకర్ దర్శకత్వంలో ‘RC15’ మూవీ చేస్తున్నాడు.

Dr Jen Ashton, ur too sweet. Waiting to meet you. Pls join our @HospitalsApollo family in India along with Dr Sumana Manohar & Dr Rooma Sinha to deliver our baby 🤗❤️

A big shout out to all the viewers of @ABCGMA3 & @AlwaysRamCharan ‘s fans & well wishers. U are much loved https://t.co/byeGqOllsK

— Upasana Konidela (@upasanakonidela) February 25, 2023