ల‌తా మంగేష్క‌ర్ ఆరోగ్య పరిస్థితి విషమం

ప్ర‌ముఖ సీనియర్ గాయ‌ని ల‌తా మంగేష్క‌ర్ ఆరోగ్య ప‌రిస్థితి మ‌ళ్లీ క్షీణించింది. ఆమె ఆరోగ్య ప‌రిస్థితి విష‌మంగా ఉంద‌ని ముంబై బ్రీచ్ క్యాండీ హాస్పిట‌ల్ డాక్ట‌ర్ ప్ర‌తిత్ సందాని తెలిపారు. ప్ర‌స్తుతం ఆమె ఆరోగ్య ప‌రిస్థితిని వైద్యులు ప‌రిశీలిస్తున్నారని.. ఐసీయూలో వెంటిలేట‌ర్‌పైనే ఉంచి ఆమెకు చికిత్స‌ను అందిస్తున్నార‌ని డాక్టర్ ప్రతిత్ సందాని పేర్కొన్నారు.

Veteran singer Lata Mangeshkar’s health condition has deteriorated again, she is critical. She is on a ventilator. She is still in ICU and will remain under the observation of doctors: Dr Pratit Samdani, Breach Candy Hospital

(file photo) pic.twitter.com/U7nfRk0WnM

— ANI (@ANI) February 5, 2022

లతా మంగేష్కర్ జనవరిలో కోవిడ్ బారిన పడిన విషయం తెలిసిందే. కుటుంబ సభ్యులు ఆమెను ముంబైలోని బ్రీచ్ కాండీ హాస్పిటల్‌లో అడ్మిట్ చేయడం జరిగింది. డాక్టర్ ప్రతిత్ సందాని నేతృత్వంలోని వైద్యుల బృందం ఆమెకు చికిత్స‌లు అందించింది. జ‌న‌వ‌రి 30న కూడా మ‌హారాష్ట్ర ఆరోగ్య శాఖా మంత్రి రాజేష్ తోపే లతా మంగేష్క‌ర్ ఆరోగ్యం మెరుగ‌వుతుంద‌ని, ఆమె క‌రోనా, నిమోనియా నుంచి కోలుకున్నార‌ని కాస్త బ‌ల‌హీనంగా ఉన్నారే కానీ త్వ‌ర‌గానే కోలుకుంటార‌ని ఆయ‌న తెలియ‌జేసిన సంగ‌తి తెలిసిందే.

గాన కోకిలగా పేరొందిన లతా మంగేష్క‌ర్‌ 2001వ సంవత్సరంలో భారత అత్యున్నత పురస్కారమైన భారత రత్న అవార్డును అందుకున్నారు. ఎన్నో వేల పాటలు పాడిన లతా మంగేష్కర్‌ ను నైటింగల్ ఆఫ్ ఇండియాగా కీర్తిస్తుంటారు. దేశ, విదేశ పాటలెన్నో ఆమె ఆలపించారు.