ఆమిర్ ఖాన్ పై విరుచుకుపడిన కంగనా రనౌత్! గొడవకు కారణం?

కంగనా రనౌత్.. బాలీవుడ్ లో ఫైర్ బ్రాండ్ గా పేరున్న నటి. తన అద్భతమైన నటనతో బాలీవుడ్ లో స్టార్ హీరోయిన్ గా వెలుగొందుతోంది ఈ అమ్మడు. ఇక నటనతో నే కాకుండా వివాదాలతో కూడా ఈ ముద్దుగుమ్మ తరచు వార్తల్లో నిలుస్తుంటుంది. తాజాగా మరోసారి వార్తల్లో నిలిచింది కంగనా. బాలీవుడ్ సూపర్ స్టార్, మిస్టర్ ఫర్ ఫెక్ట్ గా పేరున్న ఆమిర్ ఖాన్ పై తాజాగా వ్యంగ్యాస్త్రాలు సంధించింది ఫైర్ బ్రాండ్ కంగనా. ఆమిర్ ఖాన్ పై తనదైన శైలిలో విరుచుకుపడింది ఈ భామ. అసలు విషయం ఏంటంటే?

కంగనా రనౌత్.. బాలీవుడ్ ఫైర్ బ్రాండ్ గా తరచుగా ఏదో ఒక వివాదంతో వార్తల్లో నిలుస్తుంటుంది. అయితే కొన్ని రోజుల క్రితం షారుఖ్ పఠాన్ సినిమా గురించి మంచిగా మాట్లాడి ఇండస్ట్రీని ఆశ్చర్య పరిచింది. ఇక మళ్లీ ఇప్పుడు తన మాటల తూటాలు వదిలింది. ఈ సారి ఏకంగా బాలీవుడ్ మిస్టర్ ఫర్ ఫెక్ట్ ఆమిర్ ఖాన్ పై వ్యంగ్యాస్త్రాలు సంధించింది. వివరాల్లోకి వెళితే.. తాజాగా ఆమిర్ ఖాన్ ప్రముఖ రచయిత్రి శోభా డే పుస్తక ఆవిష్కరణ కార్యక్రమానికి హాజరైయ్యారు. ఈ కార్యక్రమంలో తన బయోపిక్ ను తీసే నా పాత్రకు ఏ హీరోయిన్ సరిపోతుంది అని శోభా ఆమిర్ ను ప్రశ్నించింది. దానికి ఆమిర్.. ఆలియా భట్, ప్రియాంక చోప్రా, దీపికా పదుకొణె పేర్లను చెప్పాడు. వెంటనే శోభా.. మీరు కంగనా పేరును మర్చిపోయారు అని గుర్తు చేసింది.

దాంతో వెంటనే ఆమిర్.. అవును కంగనా కూడా చాలా బాగా నటిస్తుంది. స్ట్రాంగ్ యాక్టర్ అని ప్రశంసించాడు. ఈ వీడియోను ఓ నెటిజన్ షేర్ చేయగా.. కంగనా ఈ వీడియోపై స్పందించింది. “పాపం ఆమిర్ ఖాన్ నా పేరును చెప్పకుండా ఉండటానికి చాలా కష్టపడ్డాడు అంటూ వ్యంగ్యాస్త్రాలు విసింది. ఇక ఆమిర్ చెప్పిన ఏ నటి కూడా ఒక్కసారి కూడా జాతీయ పురస్కారం గెలవలేదని ఈ సందర్భంగా కంగనా పేర్కొంది. నాలుగు జాతీయ అవార్డులు గెలుచుకున్న నన్ను ఆమిర్ ఖాన్ మర్చిపోయారు అని తెలిపింది. ప్రస్తుతం ఈ ట్వీటర్ వారు కొనసాగుతూనే ఉంది. మరి ఆమిర్ ఖాన్ పై కంగనా రనౌత్ చేసిన వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.

Bechara Aamir Khan … ha ha he tried his best to pretend like he doesn’t know that I am the only three times national award winning actress none of those he mentioned has even one …
Thank you @DeShobhaa ji I would love to play you ♥️ https://t.co/o0tS6UYLoC

— Kangana Ranaut (@KanganaTeam) February 10, 2023