OTTలోకి ‘అవతార్ 2’.. స్ట్రీమింగ్ ఎప్పటి నుంచంటే?

‘అవతార్ 2’ సృష్టించిన రికార్డుల ప్రభంజనం గురించి తెలిసిందే. బాక్సాఫీస్ వద్ద ఈ మూవీ కనివినీ ఎరుగని వసూళ్లు సాధించింది. యావత్ సినీ ప్రపంచాన్ని అలరించింది. తెలుగులోనూ దాదాపుగా రూ.60 కోట్ల పైచిలుకు కలెక్షన్స్ సాధించింది. తెలుగు నాట అత్యధిక కలెక్షన్స్ సాధించిన డబ్బింగ్ చిత్రంగా దీన్నే చెబుతున్నారు. అలాంటి మూవీ ఓటీటీలో ఎప్పుడు అందుబాటులోకి వస్తుందా అని ప్రేక్షకులు ఎదురు చూస్తున్నారు. అలాంటి వారికి శుభవార్త. హాలీవుడ్ స్టార్ డైరెక్టర్ జేమ్స్ కామెరూన్ తెరకెక్కించిన ఈ విజువల్ వండర్ ఓటీటీ రిలీజ్ డేట్ ఫిక్స్ అయింది. ఈ నెలలోనే ఈ చిత్రం ఓటీటీలో సందడి చేయనుంది.

మార్చి 28న డిజిటల్ స్క్రీన్స్​పై ప్రేక్షకులను అలరించనుంది ‘అవతార్ 2’. ఈ విషయాన్ని తెలియజేస్తూ మూవీ టీమ్ తాజాగా సోషల్ మీడియాలో పోస్ట్ పెట్టింది. ప్రముఖ ఓటీటీ ప్లాట్​ఫామ్స్ అమెజాన్ ప్రైమ్, యాపిల్ టీవీ, వుడు తదితర వాటిల్లో ‘అవతార్ 2’ స్ట్రీమింగ్ కానుంది. 4కే అల్ట్రా హెచ్​డీ, డాల్బీ అట్మాస్ ఆడియోతో మూవీ అందుబాటులోకి రానుంది. తొలుత కొన్ని రోజుల పాటు వీడియో ఆన్ డిమాండ్ లేదా అద్దె ప్రాతిపదికన ఈ చిత్రం స్ట్రీమింగ్ కానుంది. ఇకపోతే, 2009లో రిలీజైన ‘అవతార్’కు సీక్వెల్​గా ఈ మూవీ తెరకెక్కింది. ఫస్ట్ పార్ట్ పండోరా గ్రహంలో సాగగా.. సెకండ్ పార్ట్ స్టోరీని నీటి ప్రపంచంలో నడిపించారు జేమ్స్ కామెరూన్. మరి.. ‘అవతార్ 2’ ఓటీటీ రిలీజ్ కోసం మీరెంతగా ఎదురు చూస్తున్నారో కామెంట్ల రూపంలో తెలియజేయండి.

Return to Pandora whenever you want at home, only on Digital March 28. Get access to over three hours of never-before-seen extras when you add #AvatarTheWayOfWater to your movie collection. pic.twitter.com/4dOhyjMU9l

— Avatar (@officialavatar) March 7, 2023