హనుమంతుడికి ‘ఆదిపురుష్’ టీమ్ ఘన నివాళి.. స్వామివారి కోసం ఏకంగా..!

పాన్ ఇండియా స్టార్ ప్రభాస్ ఫ్యాన్స్ ఆసక్తిగా ఎదురు చూస్తున్న సినిమా ‘ఆదిపురుష్’. జూన్ 16న వరల్డ్ వైడ్​గా గ్రాండ్​గా రిలీజ్ కానున్న ఈ సినిమా ప్రమోషన్ కార్యక్రమాలు జోరందుకున్నాయి. గతంలో ఎన్నడూ లేని రీతిలో మూవీ టీమ్ భారీ ఎత్తున ప్రీ రిలీజ్ ఈవెంట్​కు ప్లాన్ చేస్తోంది. ఆధ్యాత్మిక నగరం తిరుపతిలో జరగబోయే ఈ కార్యక్రమాన్ని కొన్ని కోట్ల రూపాయల ఖర్చుతో నిర్వహిస్తున్నారని సమాచారం. ఈ ఈవెంట్​కు ముఖ్య అతిథిగా ప్రముఖ ఆధ్యాత్మికవేత్త చిన్న జీయర్ స్వామి అటెండ్ కానున్నారు. ఈ కార్యక్రమంలో సినిమా చరిత్రలోనే ఫస్ట్ టైమ్ 50 అడుగుల ప్రభాస్ హాలో గ్రామ్​ను కూడా ప్రదర్శించనున్నారు. ఈ ఈవెంట్ నిర్వహణను యంగ్ డైరెక్టర్ ప్రశాంత వర్మ దగ్గరుండి పర్యవేక్షిస్తున్నారు. ప్రీ రిలీజ్ ఈవెంట్ సక్సెస్ అయితే సినిమాపై మరింత బజ్​ పెరగడం ఖాయంగా కనిపిస్తోంది.

ప్రీ రిలీజ్ ఈవెంట్​కు పనులు వేగంగా పూర్తవుతున్న నేపథ్యంలో ‘ఆదిపురుష్’ టీమ్ కీలక నిర్ణయం తీసుకుంది. మూవీ రిలీజ్ టైమ్​లో థియేటర్ల వద్ద టికెట్ల విక్రయ విషయంలో ఒక డెసిజన్ తీసుకుంది. ఈ చిత్రాన్ని ప్రదర్శించే ప్రతి థియేటర్​లో ఒక సీటును అమ్మకుండా హనుమంతుడి కోసం ప్రత్యేకంగా కేటాయించనున్నారు. ఈ మేరకు ‘ఆదిపురుష్’ మూవీ టీమ్ ఒక ప్రకటన రిలీజ్ చేసింది. ‘రామాయణ పారాయణం జరిగే ప్రతి చోటకు హనుమంతుడు విచ్చేస్తాడనేది మన నమ్మకం. ఈ నమ్మకాన్ని గౌరవిస్తూ ప్రభాస్ రాముడిగా నటించిన ‘ఆదిపురుష్’ సినిమాను ప్రదర్శించే ప్రతి థియేటర్​లో ఒక సీటును విక్రయించకుండా హనుమంతుడి కోసం ప్రత్యేకంగా కేటాయించడం జరుగుతుంది’ అని మూవీ టీమ్ పేర్కొంది. మరి.. ఆంజనేయుడికి నివాళిగా ‘ఆదిపురుష్’ టీమ్ తీసుకున్న నిర్ణయంపై మీ అభిప్రాయాలను కామెంట్ల రూపంలో తెలియజేయండి.

#Adipurush to dedicate one seat in every Theatre to Lord #Hanuman and will be kept unsold honouring the beliefs of Lord Ram Bhakts. pic.twitter.com/tLCNZli2Rz

— AndhraBoxOffice.Com (@AndhraBoxOffice) June 5, 2023