రోడ్డు గుంతల కారణంగా సాఫ్ట్ వేర్ ఇంజినీర్ మృతి.. అసలు ఏం జరిగిందంటే..?

ఆ యువతి జీవితంపై ఎన్నో ఆశలు పెట్టుకుని.. అందుకు తగ్గినట్లే కష్టపడి చదివింది. అనంతరం ఓ సాఫ్ట్ వేర్ కంపెనీలు ఉద్యోగం సాధించి.. కుటుంబానికి ఆర్థికంగా తోడుగా ఉంది. అంతేకాక తన తమ్ముడిని బాగా చదవించాలని కోరుకునేది. ఇలా సాగుతున్నా ఆమె జీవిత ప్రయాణం.. ఓ బైక్ ప్రయాణంతో ముగిసిపోయింది. అధికారుల, పాలకుల నిర్లక్ష్యానికి తాను బలైపోయింది. రోడ్డుపై ఉన్న గుంతలు ఆ మహిళా సాఫ్ట్ వేర్ ఇంజనీర్ ప్రాణాన్ని బలితీసుకున్నాయి. దీంతో ఆమె తుది శ్వాసతో పాటు కుటుంబ కోసం చేయాలనుకు లక్ష్యాలు గాల్లో కలిసిపోయాయి. ఈ హృదయ విదారకమైన ఘటన తమిళనాడులో చోటుచేసుకుంది. పూర్తి వివరాల్లోకి వెళ్తే..

తమిళనాడులోని తాంబరం ప్రాంతానికి చెందిన శోభన అనే 22 ఏళ్ల యువతి.. తన కుటుంబంతో కలిసి జీవనం సాగిస్తుంది. ఆమె.. జోహో అనే ఓ ప్రైవేటు కంపెనీలు సాఫ్ట్ వేర్ ఉద్యోగిగా విధులు నిర్వహిస్తుంది. శోభనకు ఓ తమ్ముడు ఉన్నాడు. రోజూ అతడిని మొగప్పైర్ లోని పాఠశాలకు తీసుకెళ్తుండేది. అలానే మంగళవారం ఉదయం కూడా శోభన తన తమ్ముడిని తీసుకుని స్కూటీపై పాఠశాలకు బయలు దేరింది. ఈక్రమంలో రోడ్డుపై ఉన్న గుంతల కారణంగా మధురవాయల్ సమీపంలోకి రాగానే వారి బైక్ అదుపు తప్పి రోడ్డుపై పడిపోయింది. ఇదే సమయంలో వెనుక నుంచి వచ్చిన ఓ లారీ.. రోడ్డుపై పడిన శోభనపై నుంచి దూసుకెళ్లింది. దీంతో ఆమె అక్కడికక్కడే మరణించింది. ఈ ప్రమాదంలో మృతురాలి తమ్ముడు మరొకవైపు పడటంతో ప్రమాదం నుంచి స్వల్ప గాయాలతో బయటపడ్డాడు. గాయపడిన బాలుడిని స్థానిక ఆస్పత్రికి తరలించి చికిత్స అందిస్తోన్నారు.

ఈ ప్రమాదం అనంతరం లారీ డ్రైవర్ అక్కడి నుంచి పారిపోయాడు. ఈ ఘటనపై సమాచారం అందుకున్న పూనమల్లి పోలీసులు అక్కడికి చేరుకున్నారు. శోభన మృతదేహాన్ని స్వాధీనం చేసుకుని శవపరీక్ష నిమిత్తం స్థానిక ప్రభుత్వ ఆసుపత్రికి తరలించారు. ఈఘటనపై మృతురాలు పనిచేస్తున్న జోహో కంపెనీ సీఈఓ శ్రీధర్ ట్విట్టర్ లో స్పందించారు. రోడ్ల దుస్థితిపై అధికారులను ప్రశ్నిస్తూ పోస్టు పెట్టారు. శోభన మృతి.. ఆమె కుటుంబంతో పాటు మా కంపెనీకి తీరని లోటని ఆయన పేర్కొన్నారు. అలానే స్థానికులు అధికారలపై, ప్రజాప్రతినిధులపై ఆగ్రహం వ్యక్తం చేశారు. వారి నిర్లక్ష్యం కారణంగానే ఎంతో ఉజ్వల భవిష్యత్తు ఉన్న యువతి మరణించిందని ఆవేదన వ్యక్తంచేశారు. మరి.. ఇలా పాలకుల నిర్లక్ష్యం కారణంగా సామాన్యులు బలి అవుతుండటంపై మీ అభిప్రాయాలను కామెంట్స్ రూపంలో తెలియజేయండి.

One of our engineers, Ms. Shobana died tragically when her scooter skidded in the heavily potholed roads near Maduravoyal in Chennai. She was taking her younger brother to school.

Our bad roads have caused a
tragic loss to her family and Zoho. https://t.co/8XAycPhIsk pic.twitter.com/JlX5roD6DS

— Sridhar Vembu (@svembu) January 3, 2023