పాన్- ఆధార్ లింక్‌కి కొత్త రూల్! ఈ అప్డేట్ తెలుసుకోకపోతే నష్టపోతారు!

ఆదాయపు పన్ను చట్టంలోని సెక్షన్ 139AA ప్రకారం పాన్ కార్డు ఉన్న ప్రతి ఒక్కరు తప్పనిసరిగా ఆధార్ నంబర్‌తో లింక్ చేయాల్సి ఉంటుంది. ఇప్పటికే ఆదాయపు పన్ను శాఖ ఆ గడువును పలుమార్లు పొడిగించింది. ఇప్పుడు జూన్ 30 లోపు ఈ రెండింటిని అనుసంధానం చేయాలి. లేనియెడల అలాంటి వ్యక్తుల పాన్ కార్డులు పని చేయవు. ఈ క్రమంలోనే పాన్ కార్డును ఆధార్‌తో అనుసంధానం చేసేందుకు ఆదాయపు పన్ను శాఖ కొత్త మార్గదర్శకాలను విడుదల చేసింది. రూ.1000 జరిమానా చెల్లించడంలో ఓ ఆప్షన్ మార్చింది. ఆ వివరాలేంటో తెలుసుకుందాం..

పాన్ కార్డను ఆధార్ తో అనుసంధానం చేసేందుకు గతంలో మార్చి 31, 2023 వరకు గడువు ఉండేది. అందువల్ల అసెస్‌మెంట్ ఏడాదిని 2023-24గా అందరూ ఎంచుకునేవారు. అయితే, ఇప్పుడు కొత్త ఆర్థిక ఏడాది ప్రారంభమైన నేపథ్యంలో అసెస్‌మెంట్ ఇయర్‌ను 2024-25గా ఎంచుకోవాలి. పెనాల్టీ చెల్లించే సమయంలో టైప్ ఆఫ్ పేమెంట్‌ను అదర్ రిసిప్ట్స్ (500) అనే ఆప్షన్ ఎంచుకోవాలి. ఈ మార్పు గమనించకుండా పెనాల్టీ చెల్లిస్తే ఇబ్బందులు ఎదుర్కోవాల్సి రావొచ్చు.

పాన్-ఆధార్ లింక్ స్టేటస్ చెక్ చేసుకునే విధానం:

• ముందుగా ఇ-ఫైలింగ్ పోర్టల్ https://www.incometax.gov.in/iec/foportal/ ఓపెన్ చేయాలి.
• అనంతరం హోమ్ పేజీలో Link Aadhaar Status ఆప్షన్ ఎంచుకోవాలి.
• ఇక్కడ మీ PAN నెంబర్, ఆధార్ నెంబర్ ఎంటర్ చేసి View Link Aadhaar Status క్లిక్ చేయడం ద్వారా స్టేటస్ తెలుసుకోవచ్చు.

ఇప్పటివరకు మీరు పాన్ కార్డును ఆధార్ తో లింక్ చేయకపోతే.. కింది దశలను అనుసరించి లింక్ చేయండి.

• ముందుగా ఇ-ఫైలింగ్ https://www.incometax.gov.in/iec/foportal/ ఓపెన్ చేయాలి.
• అనంతరం Link Aadhaar ఆప్షన్ పై క్లిక్ చేయాలి.
• ఆ తరువాత పాన్ నంబర్, ఆధార్ నంబర్ ఎంటర్ చేయాలి
• ఇప్పుడు పెనాల్టీ చెల్లించేందుకు ఓ ఆప్షన్ వస్తుంది. దానిని ఎంచుకోవాలి.
• e-pay Tax పేజ్ ఓపెన్ అవుతుంది. అందులో పాన్ నెంబర్, మొబైల్ నెంబర్ ఎంటర్ చేయాలి.
• OTP వెరిఫై చేసిన తర్వాత ఇన్‌కమ్ ట్యాక్స్ పై క్లిక్ చేయాలి.
• ఆ తరువాత అసెస్‌మెంట్ ఇయర్ 2024-25 సెలెక్ట్ చేసి, అదర్ రిసిప్ట్స్ (500) ఆప్షన్ ఎంచుకోవాలి.
• అనంతరం పేమెంట్ ప్రాసెస్ పూర్తి చేయాలి.
• ఆ తరువాత చలాన్ జనరేట్ అవుతుంది. ఇది పూర్తయిన 4-5 రోజుల తర్వాత పాన్-ఆధార్ లింక్ చేయాలి.

4 రోజుల తరువాత..

• ముందుగా ఇ-ఫైలింగ్ పోర్టల్ https://www.incometax.gov.in/iec/foportal/ ఓపెన్ చేయాలి.
• అనంతరం Link Aadhaar ఆప్షన్ పై క్లిక్ చేయాలి.
• ఆ తర్వాత పాన్ నెంబర్, ఆధార్ నెంబర్ ఎంటర్ చేసి సబ్మిట్ చేయాలి.
• మీ పేమెంట్ డీటెయిల్స్ వెరిఫై అవుతాయి.
• కంటిన్యూపై క్లిక్ చేసి మీ ఆధార్ కార్డులో ఉన్నట్టుగా పేరు, మొబైల్ నెంబర్ ఎంటర్ చేయాలి.
• మీ రిజిస్టర్డ్ మొబైల్‌ నెంబర్ కు OTP వస్తుంది. దాన్ని ఎంటర్ చేసి పాన్- ఆధార్ అనుసంధానం పూర్తి చేయొచ్చు.