నైట్ కర్ఫ్యూను పొడిగిస్తూ ప్రభుత్వం ఆదేశాలు

రాష్ట్రంలో కరోనా కేసులు పెరిగినట్టే పెరిగి మళ్లీ విజృంభిస్తున్నాయి. ఈ నేపథ్యంలో ఏపీ సర్కార్ మళ్లీ అలెర్ట్ అయింది. దీంతో నైట్ కర్ఫ్యూను మళ్లీ పోడిగిస్తూ ఏపీ ప్రభుత్వం ఆదేశాలు జారి చేసింది. తాజాగా విడుదల చేసిన ఆదేశాలను చూసినట్లైతే..ఆగస్టు 13 వరకు రాత్రి 10 నుంచి మెదలై ఉదయం 6 గంటల వరకు నైట్ కర్ఫ్యూ కొనసాగనుందని తెలిపింది. ఇక ఆంధ్రప్రదేశ్‌లో రోజువారి కేసులను చూసినట్లైతే 2 వేల నుంచి 3 వేల మధ్య కేసుల వరకు నమోదవుతున్నాయి.

ఇక ఒక్కొరోజు 1500 కేసులు కూడా నమోదవుతున్నాయి. దీంతో గత రెండు మూడు రోజుల నుంచి కేసుల సంఖ్య మళ్లీ అంతకంతకు పెరుగుతూ ఆందోళన కలిగిస్తున్నాయి. ఇక ఏపీలో గడిచిన 24 గంటల్లో నమోదైన కేసులను చూసినట్లైతే.. రాష్ట్రంలో 78,784 మంది కరోనా నిర్ధారణ పరీక్షలు చేయగా అందులో 2107 మందికి కరోనా పాజిటివ్ అని తేలింది. నమోదైన మొత్తం సంఖ్య 19,59,154 పాజిటివ్ కేసులకు గాను 19,24,543 మంది డిశ్చార్జ్ కాగా 13,332 మంది మరణించారు. ప్రస్తుతం 21,279 మంది చికిత్స పొందుతున్నారు.

ఇక ప్రపంచ వ్యాప్తంగా నమోదవుతున్న కేసులను పరిశీలిస్తే అగ్రరాజ్యం అమెరికాలో కేసుల సంఖ్య మళ్లీ మొదటకి వచ్చింది. దీంతో పాటు మన పక్క రాష్ట్రమైన కేరళలో పరిస్థితి మాత్రం అందుకు భిన్నంగా మారింది. కరోనా కేసులు క్రమక్రమంగా పెరుగుతూ ప్రజలకు కంటిమీద కునుకు లేకుండా చేస్తున్నాయి. ఇక తాజాగా కేరళ రాష్ట్రంలో మరోసారి లాక్‌డౌన్‌ను విధిస్తూ ప్రభుత్వం నిర్ణయం తీసుకుంది.