AP Cabinet Meeting: ఏపీ కేబినెట్‌ సమావేశంలో కీలక నిర్ణయాలు! లక్షా 26 వేల కోట్ల పెట్టుబడులకు ఆమోదం!

AP Cabinet Meeting: ముఖ్యమంత్రి వైఎస్‌ జగన్‌మోహన్‌రెడ్డి అధ్యక్షతన ఏపీ కేబినెట్‌ బుధవారం సమావేశం అయిన సంగతి తెలిసిందే. ఈ సమావేశంలో మొత్తం 57 అంశాలకు మంత్రి వర్గం ఆమోదం తెలిపింది. దాదాపు 1.26 లక్షల కోట్ల పెట్టుబడులకు ప్రభుత్వం గ్రీన్‌ సిగ్నల్‌ ఇచ్చింది. అంతేకాదు! ప్రభుత్వ ఉద్యోగాల్లో దివ్యాంగులకు రిజర్వేషన్ల కోటా శాతం పెంచుతూ నిర్ణయం తీసుకుంది. వాటితో పాటు నేటి సమావేశంలో ఏపీ కేబినెట్‌ పలు కీలక నిర్ణయాలు తీసుకుంది.

ఏపీ కేబినెట్‌ తీసుకున్న కీలక నిర్ణయాలు 

• ఫుడ్‌ ప్రాసెసింగ్‌ యూనిట్‌ అభివృద్ధి కోసం 1000 కోట్ల మంజూరు. దీని ద్వారా 40 వేల మందికి నేరుగా ఉపాధి లభించనుంది. మరో 60 మందికి ఇన్‌ డైరెక్ట్‌గా ఉపాధి దొరకనుంది.
• గ్రీన్‌ ఎనర్జీ ప్రాజెక్ట్స్‌ కోసం 81 వేల కోట్ల రూపాయల పెట్టుబడులకు ఆమోదం.
• ‘జల్‌ జీవన్‌ మిషన్‌ స్కీమ్‌’ కోసం 4 వేల కోట్ల రూపాయల లోన్‌ మంజూరు.
• మరో విడుత వైఎస్సార్‌ చేయూత కోసం 4,700 కోట్ల రూపాయల నిధుల మంజూరు.
• శ్రీకాకుళంలోని భువనపాడు పోర్టు ద్వారా పది వేల ఉద్యోగాల కల్పన.
•  ప్రభుత్వ రంగానికి సంబంధించిన అన్ని ఉద్యోగాల్లో దివ్యాంగుల రిజర్వేషన్లు 3నుంచి 4 శాతానికి పెంపు.
• వైఎస్సార్‌, పీఎంఏవై హౌసింగ్‌ స్కీమ్‌ ద్వారా ఒక లక్ష ఇళ్లు కట్టించి ఇవ్వటం.
• ప్రతీ మండలంలో రెండు పబ్లిక్‌ హెల్త్‌ సెంటర్లు నిర్మించటం.
• పొట్టి శ్రీరాములు, నెల్లూరు, కర్నూలు, విజయనగరం, పశ్చిమ గోదావరి జిల్లాల్లో శాశ్వత లోక్‌ అదాలత్‌లను నిర్మించటం.