follow us:
Kalvakuntla Kavitha: టీఆర్‌ఎస్‌ ఎమ్మెల్సీ కల్వకుంట్ల కవితకు కరోనా వైరస్‌ సోకింది. గత కొన్ని రోజులుగా ఫ్లూ లక్షణాలతో బాధపడుతున్న ఆమె కరోనా పరీక్ష చేయించుకున్నారు. పరీక్షల్లో కరోనా పాజిటివ్‌ వచ్చింది. దీంతో ఆమె తనను కలిసిన వారు కరోనా పరీక్షలు చేయించుకోవాలని సూచించారు. ఈ మేరకు సోమవారం ట్విటర్‌ వేదికగా ఓ ట్వీట్‌ చేశారు. ‘‘ జలుబుతో కూడిన లక్షణాలు ఉండటంతో కరోనా పరీక్ష చేయించుకున్నాను. పరీక్షల్లో కరోనా పాజిటివ్‌ వచ్చింది.
గత 48 గంటల్లో నన్ను కలిసిన వారికి కరోనా లక్షణాలు ఏవైనా ఉంటే ఐసోలేషన్‌లో ఉండి కరోనా పరీక్షలు చేయించుకోండి’’ అని అన్నారు. కవిత కరోనా బారిన పడిన విషయం తెలియగానే అభిమానులు, పార్టీ కార్యకర్తలు ఆమె త్వరగా కోలుకోవాలని ఆకాంక్షిస్తున్నారు. కాగా, కొద్దిరోజుల క్రితం కేటీఆర్‌ కూడా కరోనా బారిన పడిన సంగతి తెలిసిందే. మరి, కవిత కరోనా బారినుంచి త్వరగా కోలుకోవాలని కోరుకుంటూ మీ అభిప్రాయాలను కామెంట్ల రూపంలో తెలియజేయండి.
After developing flu like symptoms, I got my self tested for COVID-19 and my reports are positive.
I request everybody who has come in contact with me in last 48 hours to kindly isolate and get yourself tested, if you develop any symptoms.— Kavitha Kalvakuntla (@RaoKavitha) September 12, 2022
ఇవి కూడా చదవండి : భార్యను చంపేందుకు చేతబడి చేయించిన భర్త! దిమ్మతిరిగే విషయం ఏంటంటే?
