సూపర్‌స్టార్‌ రజనీకాంత్‌తో సంజు! సాకారమైన 21 ఏళ్ల కల

తన స్టైల్‌తో సినిమా రంగంలో సూపర్‌స్టార్‌గా ఎదిగిన రజనీకాంత్‌కు ప్రపంచ వ్యాప్తంగా కొన్ని కోట్లమంది వీరాభిమానులు ఉన్నారు. తమిళ సినిమా రంగానికి చెందినా.. ఆయన గ్లోబల్‌ సూపర్‌ స్టార్‌. మన దేశంలోనే కాదు.. ప్రపంచ వ్యాప్తంగా ఆయనకు లెక్కలేనంత మంది అభిమానులు ఉన్నారు. జపాన్‌లో అయితే ఆయన అభిమానగణం గురించి ప్రత్యేకంగా చెప్పాల్సిన పనిలేదు. అలాంటి సూపర్‌స్టార్‌కు మనదేశంలో సామాన్య ప్రజలే కాదు. పెద్ద పెద్ద హీరోలు, ప్రముఖులు, చివరికి రియల్‌ హీరోస్‌గా కీర్తించబడే క్రికెటర్లు సైతం రజనీకి అభిమానులే. అలాంటి వారిలో టీమిండియా యువ క్రికెటర్‌ సంజు శాంసన్‌ కూడా ఒకరు. ఈ యువ క్రికెటర్‌కు కూడా చాలా ఫాలోయింగ్‌ ఉంది. టీమిండియాలో ఛాన్స్‌లు ఇవ్వాలని సంజు కోసం ధర్నలు చేసే స్థాయిలో అతనికి క్రేజ్‌ ఉంది.

అలాంటి యంగ్‌ స్టార్‌ క్రికెటర్‌ తాజాగా సూపర్‌స్టార్‌ రజనీకాంత్‌ను కలుసుకున్నాడు. తలైవా రజనీకాంత్‌తో కలిసి దిగిన ఫొటోను సోషల్‌ మీడియాలో షేర్‌ చేసిన సంజు శాంసన్‌ ఒక ఆసక్తికర విషయాన్ని పంచుకున్నాడు. రజనీకాంత్‌ను ఎందుకు కలవాల్సి వచ్చిందో వివరించాడు. చాలా మందిలాగే సంజు కూడా రజనీకాంత్‌కు వీరాభిమాని. తనకు ఏడేళ్ల వయసు ఉన్నప్పుడే, ఏదో ఒక రోజు రజనీకాంత్‌ను ఆయన ఇంట్లోనే కలుసుకుంటానని సంజు తన తల్లితో అన్నాడు. అప్పుడు చెప్పిన మాటను సంజు 21 ఏళ్ల తర్వాత నిలబెట్టుకున్నాడు. అది కూడా స్వయంగా సూపర్‌ స్టార్‌ రజనీకాంతే, సంజు శాంసన్‌ను తన ఇంటికి ఆహ్వానిస్తే.. వెళ్లి కలిశాడు.

ప్రస్తుతం ఫ్యాన్‌ బాయ్‌ మూమెంట్‌ను ఆస్వాదిస్తున్న శాంసన్‌ ఆ సంతోషాన్ని సోషల్‌ మీడియాలో పంచుకున్నాడు. రజనీకాంత్‌తో సంజు శాంసన్‌ కలిసి దిగిన ఫొటో ప్రస్తుతం సోషల్‌ మీడియాలో వైరల్‌గా మారింది. అయితే ప్రస్తుతం టీమిండియాలో లేని సంజు.. ఐపీఎల్‌ 2023తో గ్రౌండ్‌లోకి దిగనున్నాడు. ఐపీఎల్‌లో సంజు, రాజస్థాన్‌ రాయల్స్‌కు కెప్టెన్‌గా వ్యవహరిస్తున్న విషయం తెలిసిందే. మరి సూపర్‌స్టార్‌ రజనీతో సంజు ఫొటోపై మీ అభిప్రాయాలను కామెంట్ల రూపంలో తెలియజేయండి.

At the age of 7 already being a Super Rajni fan,,I told my parents ..See one day I will go and meet Rajni sir in his house…
After 21 years,that day has come when The Thalaivar invited me..☺️🙏🏽 pic.twitter.com/FzuWWqJkif

— Sanju Samson (@IamSanjuSamson) March 12, 2023