follow us:
చెన్నై సూపర్‌ కింగ్స్‌ టీమ్‌ను రవీంద్ర జడేజా వీడుతున్నాడు. అతన్ని కావాలనే కెప్టెన్సీ నుంచి తీసేశారంటూ ఐపీఎల్‌ 2022 సీజన్‌ సమయంలో చాలా వార్తలు వచ్చాయి. కానీ.. అవన్ని వట్టి అబద్దాలంటూ జడేజా కొట్టిపారేశాడు. ప్రస్తుతం ఆసియా కప్‌తో బిజీగా ఉన్న జడ్డూ.. పాక్‌పై మంచి ప్రదర్శన కనబర్చాడు. ఇక హాంకాంగ్‌ మ్యాచ్‌కు ముందు మీడియాతో మాట్లాడిన జడేజా.. తన గురించి చాలా సార్లు తప్పుడు వార్తలు ప్రచారం అయ్యాయంటూ వెల్లడించాడు. సీఎస్‌కే విభేదాలు అనే విషయం కూడా ఫేక్‌ న్యూస్ అని స్పష్ట చేశాడు. ఇలాంటి వదంతులు, ఫేక్‌ వార్తలను పట్టించుకుంటే ఆటపై దృష్టిపెట్టలేమని పేర్కొన్నాడు. ఒకసారైతే నేను చనిపోయానని కూడా చెప్పారంటూ జడేజా వెల్లడించాడు.
‘వీటన్నింటి అసలు నేను పట్టించుకోను.. నా ఫోకస్‌ మొత్తం ఆటపైనే పెడతాను. టీమ్‌ కోసం ఎలా ఆడాలన్నదే నా ప్రధాన లక్ష్యం’ అని జడేజా స్పష్టం చేశాడు. కాగా.. ఐపీఎల్‌ 2022 సీజన్‌లో ధోని సీఎస్‌కే కెప్టెన్సీ వదులుకోగా.. మేనేజ్‌మెంట్‌ జడేజాకు కెప్టెన్సీ బాధ్యతలు అప్పగించింది. కానీ.. టీమ్‌ ప్రదర్శన బాగాలేకపోవడం, జడేజా గాయపడ్డంతో మళ్లీ ధోనీకే కెప్టెన్సీ బాధ్యతలు అప్పగించారు. దీంతో జడేజాకు, సీఎస్‌కే మేనేజ్‌మెంట్‌కు మధ్య విభేదాలు వచ్చాయని అప్పట్లో పుకార్లు షికార్లు చేశాయి. అలాగే సౌరాష్ట్ర క్రికెటర్‌ రవీంద్ర జడేజా చనిపోతే.. టీమిండియా క్రికెటర్‌ జడేజా చనిపోయడంటూ సోషల్‌ మీడియాలో ప్రచారం చేశారు. మరి వీటిపై జడేజా ఇచ్చిన క్లారిటీ గురించి మీ అభిప్రాయాలను కామెంట్ల రూపంలో తెలియజేయండి.
ఇది కూడా చదవండి: ‘ఐ లవ్‌ ఇండియా’ అంటూ పాకిస్థాన్ క్రికెటర్‌ సంచలన స్టేట్‌మెంట్‌!
#WATCH via ANI Multimedia | Asia Cup 2022: Ravindra Jadeja address Press Conference ahead of crucial match with Hong Konghttps://t.co/ICjr2EoQ9B
— ANI (@ANI) August 30, 2022
