గెలిచిన ఆస్ట్రేలియాతో పాటు ఓడిన ఇంగ్లండ్​కూ షాక్ ఇచ్చిన ICC

క్రికెట్​లో ఇప్పుడు లిమిటెడ్ ఓవర్ల ఫార్మాట్​కు బాగా క్రేజ్ పెరిగింది. కానీ జెంటిల్మన్ గేమ్​లో అసలైన మజా అంటే టెస్టు క్రికెట్​లోనే ఉంది. సంప్రదాయక ఫార్మాట్ అయిన టెస్టుల్లో ప్రతి సెషన్​కు ఆధిక్యం మారుతూ ఉంటుంది. టీమ్స్ కరెక్టుగా ఆడితే టీ20 క్రికెట్లో వచ్చే ఉత్కంఠతను మించిన టెన్షన్ టెస్టుల్లో వస్తుంది. దీనికి యాషెస్ సిరీస్​ను ఉదాహరణగా చెప్పొచ్చు. ఈ సిరీస్​లో జరిగే ప్రతి మ్యాచ్ హైఓల్టేజీతో కూడుకున్నదే. అందుకే బూడిద ట్రోఫీ కోసం ఆస్ట్రేలియా, ఇంగ్లండ్ జట్లు పోరాడితే చూడాలని ప్రతి క్రికెట్ అభిమాని ఎంతో ఆతృతగా ఎదురుచూస్తూ ఉంటాడు. ఈసారి యాషెస్ సిరీస్​కు గ్రేట్ ఓపెనింగ్ లభించింది. ఫస్ట్ టెస్టులో ఉత్కంఠత తారస్థాయికి చేరిన టైమ్​లో అద్భుతంగా ఆడిన ఆస్ట్రేలియా 2 వికెట్ల తేడాతో విజయాన్ని సాధించింది.

కంగారూ జట్టు విజయంలో ఓపెనర్ ఉస్మాన్ ఖవాజా (65)తో పాటు కెప్టెన్ ప్యాట్ కమిన్స్ (44) కీలక పాత్ర పోషించారు. కమిన్స్ అయితే ఇంగ్లీష్ బౌలర్ల జోరును అడ్డుకొని.. తన టీమ్​ను విజయతీరాలకు చేర్చాడు. కెప్టెన్సీ ఇన్నింగ్స్​ ఆడిన కమిన్స్.. ఇంగ్లండ్ బజ్​బాల్ స్ట్రాటజీని తుత్తునియలు చేశాడు. అయితే ఈ మ్యాచ్​లో గెలిచి సక్సెస్ జోష్​లో ఆసీస్​తో పాటు ఓటమి బాధలో ఉన్న ఇంగ్లండ్ జట్టుకు ఐసీసీ షాక్ ఇచ్చింది. స్లో ఓవర్ రేట్ కారణంగా ఇరు జట్ల ఆటగాళ్ల మ్యాచ్ ఫీజులో 40 శాతం కోతను విధించింది ఐసీసీ. నిర్ణీత టైమ్​కు రెండు ఓవర్లు తగ్గిపోయాయనే కారణంతో ఆసీస్, ఇంగ్లండ్​కు ఫైన్ వేసిన ఐసీసీ.. ఆయా జట్ల వరల్డ్ టెస్ట్ ఛాంపియన్​షిప్​ పాయింట్లలోనూ కోత వేసింది. ఐసీసీ చర్యలు తీసుకోవడంతో ఈ రెండు టీమ్స్​ రెండేసి డబ్ల్యూటీసీ పాయింట్లను కోల్పోనున్నాయి.

Both teams copped heavy fine and WTC points deduction for maintaining a slow over-rate in the Edgbaston Test.#Ashes #Ashes2023 #ENGvAUShttps://t.co/oV50P2Dmka

— Circle of Cricket (@circleofcricket) June 21, 2023