follow us:
ఆసియా క్రీడల వేదికగా భారత త్రివర్ణ పతాకం సగర్వంగా రెపరెపలాడుతోంది. మన దేశ క్రీడాకారులు అద్భుతమైన ప్రదర్శనతో పతకాల పట్టికలో దూసుకుపోతున్నారు. ఒక్కే రోజు… భారత్ ఖాతాలో ఏకంగా మూడు స్వర్ణ పతకాలు చేరాయంటే మనోళ్ల జోరు ఏ స్థాయిలో ఉందో అర్థం చేసుకోవచ్చు!
ఇటు షూటింగ్ రేంజ్లో, అటు ఆర్చరీ టార్గెట్పై భారత అథ్లెట్లు గురి తప్పుకుండా పసిడి పతకాలను కొల్లగొడుతున్నారు. ఇప్పటికే భారత్ సాధించిన స్వర్ణాల సంఖ్య 9కి చేరుకుంది. మొదటగా షూటింగ్ విభాగం విషయానికి వస్తే… భారత్కు మరోసారి పసిడి అందించింది మన ట్రాప్ మిక్స్డ్ టీమ్.
ఈవెంట్లో భారత్ తరఫున బరిలోకి దిగిన నీరూ దాండా మరియు కైనస్ చెనై జోడీ అద్భుతమైన సమన్వయంతో ఆడింది. ప్రెజర్ ఎంత ఎక్కువగా ఉన్నప్పటికీ, మన షూటర్లు ఏమాత్రం తడబడలేదు. అత్యంత కచ్చితత్వంతో గురిపెట్టి ప్రత్యర్థులను వెనక్కి నెట్టారు. కైనస్ చెనై అగ్రశ్రేణి అనుభవాన్ని ప్రదర్శించగా, నీరూ దాండా అత్యంత సంయమనంతో షాట్లు కొట్టారు. ఈ ఇద్దరి అద్భుతమైన ప్రదర్శనతో ట్రాప్ మిక్స్డ్ టీమ్ షూటింగ్లో భారత్కు గోల్డ్ మెడల్ సొంతమైంది. షూటింగ్ రేంజ్లో మనోళ్లు మరోసారి త్రివర్ణ
