గ్లామర్ ప్రపంచంలో బతికిన వాళ్లు.. సాధారణ జీవితం గడపాలంటేనే చాలా ఇబ్బంది పడతారు. అలాంటిది వారు వచ్చి.. గ్రామాల్లో ఉండటం అంటే.. అస్సలు ఊహించుకోను కూడా లేరు. తన గ్రామానికి వచ్చే వరకు ప్రియాంకా నంద మనసులో కూడా ఇదే ఆలోచన ఉంది. గ్లామర్ ప్రపంచంలో ఎన్నో అవార్డులు, కిరీటాలు, బాలీవుడ్ ఎంట్రీతో ఆమె జీవితం రంగులమయంగా సాగిపోతుంది. ఇంత కలర్ ఫుల్ లైఫ్ స్టైల్ లాక్ డౌన్ కారణంగా ఒక్కసారిగా మారిపోయింది.
లాక్ డౌన్ గ్రామానికి వచ్చిన ప్రియాంకా నంద అక్కడి పరిస్థితులును చూసి చలించిపోయింది. తాను జీవితంలో ఎంతో ముందుకు వెళ్లాను కానీ.. ఊరు మాత్రం అలానే ఉందని గుర్తించింది. గ్రామాన్ని అభివృద్ధి చేయాలని నిర్ణయించుకున్న ప్రియాంకా నంద.. సర్పంచ్ గా పోటీగా చేసేందుకు నిర్ణయించకుంది. ఆమె ఆలోచన తెలిసిన నెటిజనులు.. ఆమెపై ప్రశంసలు కురిపిస్తున్నారు. ఆ వివరాలు..
ఒడిశాలోని బలంగిర్ జిల్లాలోని ధులుసర్ గ్రామానికి చెందిన ప్రియంకా నంద తన ఊళ్లో స్కూల్ చదువు పూర్తవగానే భోపాల్కి వెళ్లిపోయింది. అక్కడే పై చదువులు చదువుకుంది. కాలేజీ చదువులు పూర్తి చేసుకునే క్రమంలోనే గ్లామర్ ప్రపంచంవైపుగా అడుగులు వేసింది. ర్యాంప్ షోలలో పాల్గొంది. అందాల పోటీలలో టైటిల్స్ ఎన్నో గెలుచుకుంది. 2015 నుంచి మోడల్గా పనిచేస్తోంది. ఫస్ట్ ఇండియా రన్వే దివా బ్యూటీ పోటీలో పాల్గొని ఐదవస్థానంలో నిలిచింది. 2020లో ఇండియా స్టైల్ ఐకాన్ పోటీలో విజేతగా నిలిచింది. ఆ తర్వాత బాలీవుడ్లోనూ తనకంటూ ఓ ప్రత్యేక స్థానాన్ని ఏర్పరుచుకునే ప్రయత్నం చేస్తోంది.
ఈ క్రమంలో లాక్ డౌన్ సమయంలో తన ఊరు ధులుసర్ గ్రామానికి వచ్చిన ప్రియాంకా నంద దృష్టి అక్కడ ప్రజలు, పరిస్థితుల మీద పడింది. తన బాల్యంలో గ్రామం ఎలా ఉందో.. ఇప్పటికే అలానే ఉంది. కొంచెం కూడా అభివృద్ధి చెందలేదు. ఈ ఆలోచన ప్రియాంకా నందను కదిలించింది. మోడలింగ్, సినిమాల వల్ల తనకు మరి కాస్త గుర్తింపు, డబ్బు రావొచ్చు.. కానీ గ్రామం మాత్రం అలానే ఉంటుంది. ఈ పరిస్థితులు మారాలంటే.. ఇక్కడే ఉండి.. గ్రామాభివృద్ధికి కృషి చేయాలని భావించింది ప్రియాంకా నంద.
ప్రియాంకా నంద ఈ ఆలోచనల్లో ఉండగానే.. సర్పంచ్ ఎన్నికలు వచ్చాయి. తాను సర్పంచ్ గా పోటీ చేయాలని భావించిన ప్రియాంకా నంద.. సర్పంచ్ పోటీలో బరిలో దిగి, వీధి వీధి తిరుగుతూ ‘మీ కోసం వచ్చాను. బాగు చేసే అవకాశం ఇవ్వండి’ అంటూ ఓట్లను అడుగుతోంది. గ్లామర్ ప్రపంచంలో బ్యూటీ గర్ల్ అని పిలిపించుకునే ప్రియాంక నంద ఒక మంచి పని కోసం చేస్తున్న ప్రయత్నం ఇప్పుడు అందరినీ విశేషంగా ఆకట్టుకుంటోంది. ప్రియాంకా నంద గెలిచి తన ఆలోచనలు అమలులో పెట్టే అవకాశం రావాలని అంతా కోరుకుంటున్నారు. ప్రియాంకా నంద ప్రయత్నంపై మీ అభిప్రాయాలను కామెంట్స్ రూపంలో తెలియజేయండి.