follow us:
Viral Video: ఈ పకృతి వింతలు, విశేషాలకు నెలవు. పకృతిలో ప్రతినిత్యం సంభవించే వింతలకు, విశేషాలకు సరైన కారణాలు తెలుసుకోవటం కూడా కష్టమే. కానీ, కొన్నిటికి సైన్స్‌ కారణాలు చెప్పినా.. ప్రజలు వింతగానే భావించే ఘటనలు కూడా ఉంటాయి. అలాంటి వాటిలో చెట్టునుంచి పాలు కారటం ఒకటి. ఇప్పటి వరకు చాలా సార్లు ఇలాంటి సంఘటనలు అక్కడక్కడా జరిగాయి. ఇప్పటికీ జరుగుతూ ఉన్నాయి. తాజాగా, మధ్య ప్రదేశ్‌లో ఓ వేప చెట్టునుంచి పాలు కారుతున్న సంఘటన వెలుగు చూసింది. దీంతో జనం చెట్టు దగ్గర పూజల కోసం క్యూ కట్టారు. కొంతమంది లీటర్ల కొద్ది పాలను ఇళ్లకు తీసుకెళ్లిపోయారు. వివరాల్లోకి వెళితే.. మధ్య ప్రదేశ్‌, సింగరౌలీ జిల్లా నిగాహి గ్రామంలో ఓ వేప చెట్టునుంచి ఉన్నట్టుండి పాలు కారటం మొదలైంది.
అది కూడా చుక్కలు చుక్కలుగా కాదు.. ధారాపాతంగా కారటం మొదలైంది. ఇది చూసిన జనం చెట్టు దగ్గర క్యూలు కట్టారు. చెట్టు దగ్గర పెద్ద ఎత్తున పూజలు చేయటం మొదలుపెట్టారు. షీత్లా మాత మహిమ కారణంగానే ఇలా వేప చెట్టునుంచి పాలు కారుతున్నాయని జనం అంటున్నారు. పాలు కారుతున్న చెట్టుకు చాలా ఏళ్ల నుంచి పూజలు చేస్తున్నామని చెబుతున్నారు. ఇక, పాలు కారుతున్న చెట్టుమీద నుంచి కొంతమంది లీటర్ల కొద్ది పాలను తీసుకెళ్లిపోతున్నారు. ఆ పాలు ఆరోగ్యానికి చాలా మంచివని, అవి తాగితే ఆరోగ్య సమస్యలన్నీ తొలుగుతాయని అంటున్నారు. ప్రస్తుతం వేప చెట్టు నుంచి పాలు కారుతున్న దృశ్యాలు సోషల్‌ మీడియాలో వైరల్‌గా మారాయి. వీడియో చూస్తున్న జనం చెట్టునుంచి అలా ఏకధాటిగా పాలు కారటం చాలా వింతగా ఉందని అంటున్నారు.
#MP के #Singrauli जिले के निगाही इलाके में नीम के पेड़ से दूधिया पदार्थ निकल रहा है! इसे देखकर हर कोई हैरान है. लोग इसे दैविक चमत्कार मान कर आस्था से जोड़ रहे हैं. pic.twitter.com/KwMFbLwleE
— HasNain Alam (@HassuNain) October 17, 2022
