తాలిబన్ల దాడిలో ఇండియన్ ఫొటో జర్నలిస్టు మృతి

ఆఫ్గనిస్థాన్​లో తాలిబన్లకు, అక్కడి భద్రతా దళాలకు మధ్య జరుగుతున్న భీకర పోరును చిత్రీకరించేందుకు వెళ్లిన ప్రముఖ భారతీయ జర్నలిస్టు, పులిట్జర్ అవార్డు గ్రహీత డానిష్ సిద్ధిఖీ మరణించారు. కాందహార్ రాష్ట్రంలో గురువారం రాత్రి ఈ ఘటన జరిగింది. ఈ విషయాన్ని భారత్​కు అఫ్గానిస్థాన్​ రాయబారి ఫరీద్ మముంద్​జాయ్ వెల్లడించారు.

ఆయన మృతి పట్ల తీవ్ర విచారం వ్యక్తం చేశారు. ప్రముఖ రాయిటర్స్ వార్తా సంస్థలో ఫొటో జర్నలిస్టుగా పని చేస్తున్నారు సిద్ధిఖీ. అఫ్గాన్​లో తాలిబన్లు, సైన్యానికి మధ్య జరుగుతున్న ఘర్షణలు, పరిస్థితిని చిత్రికరించేందుకు వారం రోజులుగా ఆయన కాందహార్​లోనే ఉంటున్నారు. సిద్దిఖీ టెలివిజన్ న్యూస్ కరస్పాండెంట్‌గా కెరీర్‌ను ప్రారంభించారు. ఆ తర్వాత ఫొటో జర్నలిజంలో స్ధిరపడ్డారు. సిద్దిఖీ మృతిని రాయిటర్స్ ధ్రువీకరించింది.

రిపోర్టింగ్ అసైన్‌మెంట్ కోసం అఫ్గాన్ స్పెషల్ ఫోర్సెస్‌తో కలసి సిద్దిఖీ కాందహార్‌కు వెళ్లారు. సిద్దిఖీ మృతిపై భారత్‌లో అఫ్గానిస్థాన్ అంబాసిడర్ ఫరిద్ మముంజే సంతాపం వ్యక్తం చేశారు. సిద్దిఖీ మృతి తనను తీవ్రంగా కలచివేసిందని ఫరిద్ ట్వీట్ చేశారు. తమ ఫొటో జర్నలిస్ట్ సిద్దిఖీ అఫ్గానిస్తాన్‌లో చనిపోవడం తీవ్ర వేదనకు గురిచేసిందని రాయిటర్స్ ప్రెసిడెంట్ మైఖేల్ ఫ్రీడెన్‌బరో, ఎడిటర్ ఇన్ చీఫ్ అలెస్సాండ్రా గలోనీ ఒక ప్రకటనలో తెలిపారు.

2018లో రోయింగ్యా రెఫ్యూజీ క్రైసిస్‌పై ఓ డాక్యుమెంటరీ తీశారు. దీనికి గానూ ఫీచర్ ఫొటోగ్రఫీ విభాగంలో సహచరుడు అడ్నాన్ అబిదీతో కలసి సిద్దిఖీ పులిట్జర్ అవార్డు దక్కించుకున్నారు.  తాలిబన్లు, అప్ఘాన్ దళాలకు మధ్య జరుగుతున్న ఘర్షణల్లో భారత్‌కు చెందిన ప్రముఖ ఫొటో జర్నలిస్టు, పులిట్జర్ అవార్డు గ్రహీత డానిష్ సిద్ధిఖీ ప్రాణాలు కోల్పోయినట్టు వస్తున్న వార్తలపై తాలిబన్ స్పందించింది.

సిద్ధిఖీ మృతికి తాము కారణం కాదని స్పష్టం చేసింది. నిజానికి సిద్ధిఖీ ఎలా చనిపోయాడో కూడా తమకు తెలియదని పేర్కొంది. అతడి మృతికి తీవ్ర సంతాపం వ్యక్తం చేస్తూ క్షమాపణలు చెప్పింది.  జర్నలిస్టులు తమకు సమాచారం ఇవ్వకుండానే వార్ జోన్‌లోకి వచ్చారని పేర్కొంది. కాగా తాలిబన్లు, అప్ఘాన్‌ దళాలకు మధ్య జరుగుతున్న ఘర్షణల్లో సిద్ధిఖీ శుక్రవారం ప్రాణాలు కోల్పోయిన సంగతి తెలిసిందే.

కాందహార్‌లోని స్పిన్ బోల్డాక్ జిల్లాలో జరుగుతున్న ఘర్షణల్లో సిద్ధిఖీ, అప్ఘాన్ ఆర్మీ సీనియర్ అధికారి మరణించినట్లు రాయిటర్స్ వార్తా సంస్థ పేర్కొంది. డానిష్ కుటుంబానికి ప్రగాఢ సానుభూతిని తెలిపింది.

कल रात कंधार में एक दोस्त दानिश सिद्दीकी की हत्या की दुखद खबर से गहरा दुख हुआ।

भारतीय पत्रकार और पुलित्जर पुरस्कार विजेता अफगान सुरक्षा बलों के साथ थे, जब उन पर आतंकवादियों ने हमला किया था।

मैं उनसे 2 हफ्ते पहले काबुल के लिए रवाना होने से पहले मिला था। उन्होंने फोटो पत्रकारिता pic.twitter.com/iV79PfjO5i

— Farid Mamundzay फरीद मामुन्दजई فرید ماموندزی (@FMamundzay) July 16, 2021