వీడియో: ఆకాశం నీ హద్దురా హీరోయిన్ తో అనుచితంగా ప్రవర్తించిన విద్యార్థి!

ఆకాశం నీ హద్దురా సినిమాకి తెలుగులో సెపరేట్ ఫ్యాన్ బేస్ ఉంది. ఆ సినిమాతో సూర్య పక్కన నటించిన అపర్ణా బాలమురళీకి కూడా తెలుగు అభిమానులు ఫిదా అయిపోయారు. ఆ సినిమాతో అపర్ణా బాల మురళీ జాతీయస్థాయిలో మంచి నటిగా గుర్తింపు పొందింది. తాజాగా అపర్ణాకి ఓ కాలేజ్ లో చేదు అనుభవం ఎదురైంది. సినిమా ప్రమోషన్స్ కు వెళ్లిన ఆమెతో ఓ విద్యార్థి అనుచితంగా ప్రవర్తించాడు. ఫొటోకి ఫోజు ఇవ్వమని అడిగుతూనే ఆమెతే మిస్ బిహేవ్ చేశాడు. అందుకు సంబంధించిన ఓ వీడియో ఇప్పుడు సోషల్ మీడియాలో వైరల్ గా మారింది.

బీజూ మీనన్, వినీత్ శ్రీనివాసన్, అపర్ణా బాలమురళి లీడ్ రోల్స్ ప్లే చేసిన తన్కమ్ అనే సినిమా జనవరి 26న విడుదల కానుంది. చిత్ర బృందం ఈ సినిమా ప్రమోషన్స్‌ ప్రారంభించింది. అందులో భాగంగా అపర్ణా, శ్రీనివాసన్ కేరళలోని ఓ కాలేజీకి వెళ్లారు. అక్కడ విద్యార్థులతో కలిసి ముచ్చటిస్తూ ఉన్నారు. అప్పటివరకు అంతా బాగానే జరిగింది. విద్యార్థులు కూడా హీరోయిన్ ని చూసి తెగ మురిసిపోయారు. సినిమాల్లో ఉండే వాళ్లు తమ కాలేజీకి వచ్చారని హుషారుగా ఉన్నారు. అయితే వారిలో ఒక విద్యార్థి మాత్రం అత్యుత్సాహం ప్రదర్శించాడు.

యాంకర్ మాట్లాడుతున్న సమయంలో స్టేజ్ మీదకు వచ్చి అపర్ణా బాలమురళికి పువ్వు ఇచ్చాడు. ఆమె నవ్వుతూ తీసుకుంది. వెంటనే చేయి పట్టుకుని ఫొటో ఇవ్వాలని కోరాడు. ఆమె లేచి నిల్చోగానే.. అపర్ణా భుజం మీద చెయ్యి వేసేందుకు ప్రయత్నించాడు. ఆమె వెంటనే పక్కకు తప్పుకుంది. మళ్లీ చేతులు కట్టుకుని ఫొటో అడిగాడు. సరే అని రాగానే అతను పక్కకు తప్పుకుని వెళ్లిపోయాడు. ఇందుకు సంబంధించిన వీడియో నెట్టింట వైరల్ అవుతోంది. ఆ వీడియో చూసిన నెటిజనులు.. సినిమా బృందం మీద ఆగ్రహం వ్యక్తం చేశారు. హీరోయిన్ తో అనుచితంగా ప్రవర్తిస్తుంటే.. మీరు నవ్వుకుంటారా అంటూ ప్రశ్నిస్తున్నారు.

A college student misbehaved with actress Aparna Balamurali during the promotion function of Thangam movie. @Vineeth_Sree I’m surprised about your silence 🙏 What the hell #Thankam film crew doing there.
@Aparnabala2 #AparnaBalamurali pic.twitter.com/icGvn4wVS8

— Mollywood Exclusive (@Mollywoodfilms) January 18, 2023