follow us:
ఒకప్పుడంటే రేడియోకు పిచ్చి క్రేజ్‌ ఉండేది. టీవీలతో ధీటుగా రేడియో ఇండస్ట్రీ నడిచేది. అయితే, కాలం మారింది. టీవీలు అందుబాటులోకి వచ్చిన తర్వాత రేడియోల వాడకం బాగా తగ్గిపోయింది. జనం ఎంటర్‌టైన్‌మెంట్‌ కోసం టీవీలు, మొబైల్‌లను వాడటం మొదలుపెట్టారు. అతి కొద్ది మంది మాత్రమే ఎంటర్‌టైన్‌మెంట్‌ కోసం ఎఫ్‌ఎమ్‌ రేడియాలను ఆశ్రయిస్తున్నారు. అలాంటి ఎఫ్‌.ఎం రేడియోలో జాకీగా పేరు తెచ్చుకోవటం అంత సులభం కాదు. కానీ, ఏడాది క్రితం మిర్చిలో ఆర్జేగా చేరిన బీటెక్‌ అబ్బాయి సరన్‌ తనదైన శైలితో ముందుకు దూసుకెళుతున్నాడు. తక్కువ కాలంలోనే తనకంటూ ఓ ప్రత్యేకమైన గుర్తింపును తెచ్చుకున్నాడు. ‘‘ ఫ్యూచర్‌ ఆఫ్‌ ఎంటర్‌టైన్‌మెంట్‌గా ప్రశంసలు పొందుతున్నాడు. ప్రతీరోజు సాయంత్రం 5-9 గంటల సమయంలో శ్రోతలను రేడియోనుంచి పక్కకు కదలనీయకుండా చేస్తున్నాడు.
టాలీవుడ్‌ స్టార్స్‌ ఇంటర్వ్యూస్‌తో పాటు సినిమా అప్డేట్స్, ట్రెండ్స్‌ను శ్రోతలకు అందిస్తూ సినిమాపై తనకున్న అభిరుచి ఏంటో ప్రజలకు తెలియజేస్తున్నాడు. ఎఫ్‌ఎమ్‌ ఇండస్ట్రీలోకి అడుగుపెట్టిన సంవత్సరంలోనే ఇతరులకు సాధ్యం కాని దాన్ని సాధించాడు. అందుకే సరన్‌ సాధించినదానికి బహుమానం ఎఫ్‌ఎమ్‌ సంస్థ మిర్చి సరన్‌.. వన్‌ ఇయర్‌ ఇన్‌ ఎయిర్‌ సెలెబ్రేషన్స్‌’’ జరుపుతోంది. ఇక, సరన్‌కు సోషల్‌ మీడియాలోనూ చాలా మంది ఫాలోయర్లు ఉన్నారు. దాదాపు 30 వేలకుపైగా మంది సరన్‌ను ఇన్‌స్టాగ్రామ్‌లో ఫాలో అవుతున్నారు. ఇతడు పెట్టే రీల్స్‌ ఇన్‌స్టాలో మిలియన్‌ వ్యూస్‌ తెచ్చుకుంటూ ఉండటం విశేషం.
